السلام عليكم ورحمة الله وبركاته
الى الأخت زوجه بلا ظل كم في هذه الدنيا من الهم والغم والقهر والحسره

بصراحه يا اختى موضوعك احزني جدااااااااااااا وكأني فعلا عايشه وضعك


سؤال لك يا الغاليه

ما قد فكرتي تتركينه كم يوم بحجة انك تبين تشوفين اهلك ومناك تقعدين عندهم وتقولين الأهل محتاجيني شويه يعني مو راده على طول

او تقولين ابي اروح لأهلي علشان ابي اطلع وياهم تراني مشتاااااااااااااقه اني اروح اغير جو واتمشى لأني ما حصلتهم عندك وان شاء الله بأحصلهم عند أهلي ويكون كلامك فيه نوع من الحزن والحسره على حظك يمكن يحس


لأني لاحظت من كلامك انك تقولين اني ما احسسه بأني متضايقه من طلعته كل شوي
بالعكس يا أختي لازم يحس ويحس ويحس ان لك حق عليه في سعادتك

والمفروض انه يوم انه يجيك متأخر تروحين تنامين ولا تكلمينه
واذا سألك قولي له انك انت منت حاس فيني ولا كأنك متزوج ومعاها بتطلع الدموع
والرجال اذا شاف الدموع ما يتحمل بيحاول على طول يراضيك

وان شاء الله تتحسن اموركم الى الأفضل بإذن الله ويرزقكم الله الذريه الصالحه

لاكن لازم تطلعين اللي في قلبك له وما تحاولين تكتمين لأن الكتمان يولد الإنفجار والله يستر منه

وهذا من واقع تجربتي اني بصراحه ما حصلت للكتمان عن زوجي اشياء تخص حياتنا اي فايده بل على العكس
هو ما يدري ويش اللي صاير وانا انتظره يعرف هو لحاله طبعا مستحيل
وبالذات ان زوجك طالع على طول اجل وشلون يعرف اللي داير براسك لازم تصارحيه المصارحه خير علاج


وفقنا الله واياك لما فيه الخير في الدارين

اللهم اجعل لي ولأختي زوجه بلا ظل من أزواجنا وذرياتنا قرة عين

اللهم سخرهم لنا وسخرنا لهم واسعدنا في الدارين نحن وجميع المسلمين