مرحبا أختي قمر .. أولاً ألف مبروك والله يتمملكم على خير انشاءالله

عزيزتي الوضع اللي تمرين فيه طبيعي جداً .. أبداً لا تقلقي .. انت كأنك تتحدثين على خطيبي في أول أيام الملكة مريت بنفس اللي تمرين فيه .. في نوعية من الرجال كذا وقد يكون السبب خجله الزائد أو ارتباكه أو لأنه ماهو متعود يكلم بنات ويغازل وهذا الشيء فيه جانب ايجابي على فكره .. لأن الرجال اللي يكون كلامه زي العسل واسلوبه ساحر و 24 ساعه كلامه حب ودلال هذا ممكن يخليكي تشكي فيه انه عنده علاقات سابقه وانه متعود على هذا الكلام .. بس هذا دليل على ان خطيبك انسان رزين و واعي ومايبغى يقول كلام لمجرد الغزل والمجامله ويبغى يتأكد من كل كلمة يلفظها انه حاسسها 100 % .. انت دورك عزيزتي بانك تعوديه على التعبير عن المشاعر أول بأول .. أي احساس تحسي فيه من حب أو شوق حاولي انك تعبري عنه باسلوب حلو حتى لو بالتلميح عشان يتجرأ ويبادلك نفس الشي .. وهذا اللي أنا اتبعته مع خطيبي والحين باقي شهر على زواجنا والحمدلله أنا راضيه الآن عن علاقتنا 100% وقدرت أكسر أغلب الحواجز بيننا وأتخطى الصعوبات اللي واجهتها معاه في البدايه بالحكمه والهدوء .. أوصيكي عزيزتي بالتروي وعدم الاستعجال ولا تكون أعصابك مشدوده .. وكل شي بوقته حلو

بالتوفيق انشاءالله ..