السلام عليكم و رحمة الله وبركاته.

ربما قرأ بعضكم موضوعي السابق ( ممكن طرق تمسك خطيبي من الانحراف ) والموضوع باختصار أن خطيبي مسافر لفترة طويلة وطلبت أفكاراً تجعلني دوماً في باله.
و قد أعطاني بعض الأعضاء ( الله يسلمهم ) بعض الأفكار الرومانسية الجيدة .


و لن تصدقوا ردة فعله .....
قالوا لي أعطيه بعضاً من هداياك ليأخذها معه في سفره ...
قلت له أن يأخذ معه الدرع ( الصغير ) الذي أهديته له لما مرت 6 أشهر على الملكة والذي يحوي شعراً كتبته له .

الرد:
لا حياخذ محل من الشنطة و الشنطة مليانه و اساساً ما له لزوم.

قلت له ببراءة ....أريدك أن تأخذ معك شيء يذكرك بي.

قال : مو خلاص إنت في قلبي ما في داعي .

قلت له طيب خذ عطري إنت تقول إنه يذكرك في و انا عندي أحد عطورك كل ما أشمها أتذكرك

قال: إيش أبغى به هو أنا حأتعطر به . ===> رغم إنه حيأخذ معاه عطور بودي شوب عشان يعطر غرفته.

قلت له بيأس : طيب أنا حطيت صورتنا مع بعض في برواز أقلها خذها .
قال: و ليش آخذها فرضا أحد شاف صورتك ===>رغم إنه في غرفة لحاله .

قلت طيب حطها تحت المخدة.
قال أبداً ... و فرضاً اتسرقت .
قلت : طيب مو إنت أساساً دائماً حتقفل غرفتك لأنه فيها جواز سفرك والتذكرة وكل أوراقك الرسمية .
قال: بس ممكن برضه يدخل حرامي ، و إذا سرق التذكرة إيش حيسوي بها حينزلها على النت. بس حيسرق صورتك و يحطها على النت .===>رغم إنه في مسكنه سكيورتي.

و أساساً قال لي إيش تستفيدي من هذه الأشياء ؟
قلت عشان تفتكرني .
قام قال إنت أكيد شاكة في و مخونتني ===> أنا مو مخوناه بس بأحرص.


الملخص انتهت المكالمة على غير خير و كان نفسي أشوته لمن بعد هذا كله و غيره قال لي " أنا رومانسي "
أصلاً فين وجه الرومانسية فيه لمن يوم ملكتنا ...في وقت الزفة سابني و مشي لوحده و أنا بقيت وراء !!!!!!!!!!!!!!!!!!

بالله إيش أسوي في هذا الآدمي ؟؟خيراً تعمل شراً تلقى