عزيزتي وحيد القرن
والله انتي موقفك صعب كتير وانا حاسة فيكي لانه اصعب شي على البنت انه تكون مشاعر الحب والرومانسية فيها ملتهبة ويكون الشب اللي قدامها حجر ومش حاسس فيها
بس انا حابة اقول لك شي يمكن يكون معا ي حق فيه
حبيبتي لا تسيئي الظن في خطيبك، هو بيعمل هيك يمكن من حرصه عليكي وحبه الك مش معناها انه ما عنده مشاعر بس يمكن هو ما بيعرف يعبر

يعني بصراحة الشباب كتير بيغارو واكتر اشي ممكن بيغضب الشب وبخوفه هو انه حد يشوف خطيبته خصوصا بالصور وخصوصا اذا كانت في الصورة لابسة لبس مفتوح او حاطة ميك أب وهيك يعني، فمبا انه خطيبك ما رضي ياخد الصورة ممكن يكون من شدة غيرته وخوفه ان الصورة توقع بايد حد غريب ومش معناها انه ما بده ياخد اشي بذكره فيكي

وبالنسبة للعطر،، في شباب بخافو او بنحرجو من تعليقات اصحابهم، يمكن خطيبك بخاف عطرك يكون اله اثر ريحة على ملابسة او على غرفته وهو طبعا عطر نسائي فيقوم حد من اللي حواليه يعلق عليه تعليق محرج، يمكن خطيبك ما يريد يتعرض لهيك موقف

اما بالنسبة انه خطيبك بيوم حفلة الملكة مشي قبلك وتركك،،،،،،،،، عاااااااااااااادي حبيبتي الشباب ما بنتبهو لهاي الشغلات اللا اذا كانوا من النوع اللي كتير بركزوا في مشاهدة الافلام او المسلسلات او في مشاهدة غيرهم من العرسان في الزفة او اذا كانوا عندهم تجربة او خبر سابقة!!!!!!
يعني هيك موضوع مش كتير بلفت انتباههم وممكن يكون خطيبك عمل هيك بدون قصد وهو مو حاسس انه هالحركة فيها اشي غلط ، وانتي ممكن تنبهيه لها الشغلات بطريقة زكية وبدون ما تحسسيه انك معصبه او انه هو انسان مو رومانسي
اقولك مثال::: انا خطيبي اول ما خطبنا كنا مرة طالعين مع بعض ومشي قدامي،،، هو ما كان منتبه، بس انا قلتله " حبيبي لا تسبقني بالمشي انت كتير سريع لانك اطول مني بكتير وانا كمان لابسة كعب ما بقدر امشي بسرعة متلك" ومن يومها صار لازم بأي طريق واحنا ماشيين مع بعض لازم يمسك ايدي او يحط ايده على ضهري او على كتفي وصار يمشي شوي شوي متلي
يعني الخلاصة لا تسيئي الظن بخطيبك، وحاولي تتعاملي مع الموضوع بهدوء ودبلماسية اكتر
واسفة اذا كنت طولت عليكي بردي
تحياتي الحارة
SHOOOSH