الرجاء المساعدة من أخواني
السلام عليكم ورحمة الله وبركاته
صراحة انا من المعجبين لهذا المنتدى المفيد والهادف على الرغم من قلة مشاركتي فيه
وصراحة حبيت اعرض مشكلتي لكم ... لثقتي فيكم وفي اخواني المشرفين
انا شاب عمري 23سنة ادرس بكلية الطب سنة رابعة ومن الأسر المقتدرة والحمد الله ... المشكلة انه الوالد والوالدة الله يحفظهم لي مصرين انهم يخطبوا لي بنت الحلال وخاصة بعد ماشافتها الوالدة ومدحت في اخلاقها وجمالها وقالت لي انه البنت مافيها شئ ينعاب .... المهم لمن كلمتني الوالدة رفضت انا بطبيعة الحال واحتجيت بدراستي واني لازم اكملها واني اشوف صعوبة في التوفيق بين الدراسة وحياتي الخاصة في الوقت الحالي .
بس الوالدة والوالد واخواني الكبار قالوا لي سوي ملكة الحين وبعدين الزواج في اخر سنة في الطب يعني سنة سادسة ..... صراحة انا بدأت افكر اني اسوي مثل ماقالوا لي بس خايف اني اذا سويت ملكة ممكن انشغل عن دراستي واهدم كل الي بنيته .... وفي نفس الوقت خايف اني ماقدر اقوم بواجبي كزوج مملك عليها وبالتالي تصير مشاكل من البداية
اخواني انا الحين بين نارين .... مادري ايش اسوي
املك عليها مثل ماقالوا لي والزواج بعد سنتين ... خاصة انها بنت مؤدبة وعلى قدر كبير من الجمال مثل ماقالت لي الوالدة
او ارفض واكمل دراستي وبعدين الله يوفقني ببنت الحلال
رجاء المساعدة اخوكم الصغير في حيرة
__________________
Dr.surgery
ألا كل شئ ماخلا الله باطل وكل نعيم لامحالة زائل