لو هذا حدث معي فاخر شي بفكر فيه هو المصارحه او المواجهه
هو لما بيعمل شي مثل هذا بيكون حريص ان زوجته ما تعرف شي عن هذا الموضوع يعني عامل لها اعتبار وخايف على مشاعرها
بالمواجهه حتخسر الزوجه هذا الشئ وحتنقهر اكثر لان معاملته حتتغير في الاول ما كانت تعرف شي اما الان خلاص ما في شي يخاف عليه
وبعدين ابدا افكر ايش هو الشيء اللي حصله عند غيري ومش عندي لانه اكيد حيكون له حجه امهم
ابدا اغير الروتين واحاول اعمل تغييرات في نفسي وبيتي واحاول استرجعه قدر المستطاع مثل انا اليوم محضره لك سهره من الف ليله وليله واقوله اني ما اقدر اعيش من غيره او اتحمل فكرة ان احد يشاركني فيه
انا اليوم عازمه اهله على العشاء وبكره عازمه اهلي وبعده الاولاد عند اهلي اليوم نفسي في سهره حلوه معاك وهكذا اشغله بي واخليه في بيته اكثر وقت
وربنا يسهل
وبعد ما اتاكد انه رجع لي احاول اصارحه بهدوء بس بعده بمده طويله