المؤلم في الموضوع الأبناء... أنا أتكلم عن واقع تجربة شخصيه...أبي تزوج أربعة نساء ..( للأسف ) ....أحنا الأبناء انظلمنا.....علشان ( يشبع غريزته ورجولته مثل ما قلتي وتفضلتي ).....ابي متوفي ( الله يرحمه ) لكنه كان متوفي بالنسبة لي قبل أن يموت فعلا !!!....لم أكبر وأتربى ,اتعلم إلا مع أمي ...أمي فقط !!!...وين أبوي ؟؟؟؟.....مو ملحق ...البيوت ولا الشغل ولا العيال ولا العمال ...ولا ولا ولا ولا ......كنا لما نشوفه نستحي منه كأنه غريب من قل ما نشوفه.....إلى هذا الوقت أختي العزيزه ... أتمنى ان اعرف كيف هي الحياة مع أب حقيقي وفي أسره حقيقيه... أحسدهم اللي حولي لما يقولون طلعنا مع أمي وأبوي....سافرنا كلنا مع بعض ....الله ..كلام حلو ...كان ودي يصير معاي ....بس الوالد كان راح يطلع مع مين ولا مين ...ويسافر مع مسن و يترك مين.... التعدد مو سهل أبداً !!!!!!!!
ومو بس عشان شفت زوجي خيفيف ومو قادر يصون نفسه أروح أزوجه وحده ثانيهه وحط فوقه مسئوليات زياده وأبناء مظلومين أكثر في حجة أنه يعقل!!!!!!
أنا بهالطريقه ظلمت ناس زياده معاي.....التعدد في نظري....لو كان الرجل في بيته الأول ناجح وموقصر ومشبع حاجات ورغبات زوجته وأبناءه ...ويحس هو في ذاك الوقت ...انه محتاج لأمرأة ثانية ليحس بالإكتفاء...ذيييييييييييييييييك الساعه يفتح بيت ثاني ....لكن اذا اهو في الأول فاشل وموقادر يضبط نفسه أحط وحده ثانيه مع عيالها علشان أزيد الطين بله.
الله سبحانه وتعالى قال : { وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللّهَ كَانَ غَفُوراً رَّحِيماً } النساء129

يا عالم بنات الناس لعبة ؟؟؟ عشان شفت زوجي يطقطق بالانترنت ويغازل ...ازوجه وحد مسكينة وظلمها؟؟ ليششش؟؟؟ .....زوجي في هالمرحلة يكون مو محتاج زوجة ثانية ...تدرين ليش ؟ ..لأنه بتصرفه هذا ..هو قاعد يتهرب من مسؤلياته وحقيقة انه متزوج ومرتبط....وحل هالمسأله مو بزواجه مره أخرى ....بالعكس ...حلها في أنه يصحى لنفسه ويعيش حقيقة أنه مسؤول ومتزوج وأب .. ولا لو كل واحد تهون عليه نفسه يروح للحرام...نزوجه ....كان ما خلصنا ... لازم تعالجين المشكله الحقيقيه لخيانته ...مو تروحين وتحطين مره ثانيه فوق راسه عشان تشغلينه زياده.

أنا مو ضد التعدد .... أنا مؤمنه أنه التعدد لأسباب حقيقية جادة...وليست لنزوة رجل مستهتر مراهق !!

أرجو الانتباه بالتحقق من كتابة الآيات بصورة صحيحة . شكرا