أخي يويو

قرات مشكلتك وادهشني جدا سؤالك .......... لكن فعلا موقفك زي موقف خطيبي بالظبط أنا بما اني بعاني من نفس المشكلة اللي خطيبتك تعاني منها هاجاوبك وبكل صراحه خطيبي "زوجي" مش عايزة اقولك فعلا بيحبني بجنون وانا معنديش ادني شك في كدا لكن بالرغم من معرفتي بكدا الا اني بحس كتير اني محتاجه منه الاهتمام ... المهم كل واحده مننا او بمعني اصح عن نفسي انا رومانسية بطبيعتي أحب كتير انه يتصل عليا يفاجأني بزيارات علي غير المواعيد المحدده ..... يعبر لي عن حبه رغم اني عارفه بس بنات كتير مش علي حدي مش بيبقي كفاية المعر فة بتبقي نفسها تسمع الكلمات الرقيقة اللي في وقت غيابة بتبقي ليها تأثير كبير .... كمان في الوقت اللي بتبقي مشغول فيه حاول تختلس ولو للحظات تكلمها حقيقي لما بتحصل وببقي عارفه انه مشغول ومع ذلك اتصل علي ببقي فرحانه كتير بتديني احساس اني في كل الاوقات علي باله دي حاجات بسيطة وبعدين رغم كل اللي قلته لك الا اني مقتنعه ان كل رجل بيبقي له اسلوب خاص للعب علي اوتار من يحبها ليسمعها أجمل مقطوعه عذبه وانتوا مش بتغلبوا ليكوا اساليب كتيرة ..... آسفة للاطالة وربنا يوفقك ويوفقنا يااااااااااااااااارب
تقبل أصدق تحياتي