احسنت يا اخ هاااااااااامس "

كلامك من ذهب الحقيقه 0 لان اللي تكلمت فيه حصل معي كثييييييييييييير وبصراحه مومره ولا مرتين 0


لكن والله العظيم اني رفضت جميع المحاولات اللي اتعرضتلها مع زوجات بعض الاصدقاء 0لدرجة اني حلفت بالله العظيم لكل وحده حاولت انها ترتبط معي في حالة لو كررت الاتصال اني لاعلم زوجها 0 مع العلم اني غير متزوج 0
لان خيانة الصديق والله العظيم ماهي بسهله يا اخوان 0 ولما يبدأ الشيطان ( اعوذ بالله من الشيطان ) يوسوس فيني 0 ارجع وأقول معقوله انا في يوم من الايام اكون خاين 0ثم اقول لا والله مستحيييييييييييييييييييييل انزل الى هالمستوى هذا 0لاني ولد حموله ومن سابع المستحيلات اني اخالف مبدا العائله اللي لله الحمد الصغير فيهم يسابق الكبير على الطيبه والمراجل 0وبعدين العن الشيطان واقول ( اعوذ بالله من الشيطان الرجيم ) واستغفر


لكن خلني يا اخ هاااااامس ادلل على كلامك في واحد من المواقف اللي تعرضتلها :

اول ما تعينت مدرس قبل سبع سنوات كان التعيين في منطقه كبيره المهم انا اعزب وبصراحه اضطر اني اسكن في سكن عائلي بسم الوالد على شان اقدر اجيب الوالده بين كل فتره وفتره لاني ما اقدر استغني عنها واحيانا يجون معها شقيقاتي اذا سمحوا لهن ازواجهن 0المهم سكنت ومضيت الشهر الاول لحالي 0وفي هالفتره تعرفت شخص في نفس المبنى وعزمني وعزمته وبصراحه زوجته متعينه مدرسه في نفس المنطقه 0والا هم من منطقه ثانيه وكبيييييييييره مره 0 لكن شقتي وشقته متقابلات 0المهم الله يجزاه خير كل يومين او ثلاث الا يجيب حلويات من اللي تسويها زوجته 0وانا من واجبي كذلك اني اعاملهم بنفس الطريقه من باب الاصول فــ اروح واشتري ارقى انواع الحلويات وكذلك الفطائر والبتزا احيانا وبعد كذا اوديهن يمهم 0

وعلى شان ما اطول عليكم 0في يوم من الايام اتفاجئت الساعه ( 10 في المسا ) باتصال 0وبعد ما رديت والا وحده صوتها ناعم مره تسال عني بالاسم لكني اول مره اسمع صوتها ولا ادري منهي 0قلت لها مين معاي لو تكرمتي فردت وقالت انت فلان قلت لها نعم انا فلان مين انتي فردت وقالت بقولك بس مو الحين 0ولكن في اقل من خمس دقايق تقريبا قدرت اعرف عنها كل شي 0المهم انها تطلعت زوجة صاحبنا فلان اللي تعرفت عليه في نفس السكن واللي صار بيني وبينه عيش وملح ( وعلى فكره كانت تتصل من خارج المبنى وتقول انها عند وحده من زميلاتها في العمل ) لكن لما سالتها في البدايه كيف جبتي الرقم 0ردت علي وقالت اخذته من دفتر التليفونات الصغير اللي فجيبة زوجي 0( يعني الفهرس المحمول ) المهم سالتها وقلت لها وش اللي خلاكي تتصلين فيني ردت على وقالت بصراحه انا شفتك كذا مره في مدخل العماره وانت رايح للعمل في الصباح 0قلت لها طيب وبعد ما شفتيني ليش اتصلتي 0ردت وقالت بصراحه زوجي دايم يتكلم عنك لدرجة اني صرت افكر فيك الليل والنهار وقالت انها ترددت كثير قبل لا تتصل ولكن في النهايه صممت الا تتصل على شان ترتبط فيني 0على بالها واحد من عيال الشوارع والاسواق 0المهم اني اعتذرت منها لسبب اني مستحيل اخون انسان واثق فيني
مهما كانت الضروف والاسباب 0المهم بعد فتره جبيت الوالده وثاني هي جت عندنا تعزم امي وبصراحه انا رفضت انها تروح وبالفعل مر اسبوعين والوالده عندي ولا راحت عندها ولا مره 0المهم في يوم اربعاء سافرت اودي الوالده ولما رجعت يوم الجمعه 0جالي اتصال من زوجة هالمسكين ولكن تعاتبني اني رفضت اخلي الوالده تروح عندهم 0ولكن والله العظيم اني قطعت الموضوع واعتذرت منها وقلت لها لو سمحتي ممكن تنسين الرقم 0وطلبتها ما تعاود تتصل علي مره ثانيه 0ولكن والله العظيم انها قالت ما اقدر وحاولت معاي بشتى الطرق 0الا اني صممت اني لايمكن ارتبط فيها ابد 0ولكن في يوم من الايام وزجها نازل يسخن السياره الصباح على شان بيوديها للعمل 0وهي كانت في الشقه فوق 0 وبصراحه اول ما طلعت من باب الشقه وهي حست بصوت الباب طلعت معاي في نفس اللحظه ولكن كانت كاشفه عن وجها ولافه المنديل على راسها لف وبصراحه شفت وجهها وشعر الغره وجها لوجه 0المهم اسرعت ونزلت الدرج قبل لا تنزل هي 0
وبصراحه انا ما كنت اتصور انها جميله الى هذا الحد 0 الا اني اعترفت بجمالها لانها فعلا جميله 0ولكن عاودت الاتصال 0واعترفت انها كانت متعمده الحركه اللي سوتها 0 الا اني لا زلت مصمم اني لايمكن اخون هالمسكين 0 الا ان الشيطان بدا يوسوس فيني وبصراحه تضايقت كثير من كثر التفكير الا اني والله العظيم هددتها باني راح اعلم زوجها اذا اتصلت ولكن مافي فايده 0وفي النهايه اتفاهمت مع صاحب العماره على انه يسمحلي اطلع من الشقه بحجة اني راح اكون اعزب طول الفتره الجايه وان الاهل ماراح يجون 0وبالفعل وافق 0 بعد ما انهي كل المستحقات اللي علي 0وعلى كذا اتفقنا وطلعت من الشقه وكله والله العظيم باسباب هالموضوع لاني في الفتره الاخيره حسيت اني بديت افكر ارتبط فيها ولكن قطعت الشك باليقين وسلمت الشقه وبعد كذا ما ادري وش صار0

لكن والله العضيم ان الحركه تكررت معاي حتى في السكن الجديد 0 بس الحمد لله من اول مره اعتذرت فيها تقبلت الاعتذار وانتهى كل شي من اول مكالمه مع العلم ان اللي حمسها على الاتصال هو كلام زوجها 0

لذلك انا اقول ان كلامك واقعي يا اخ هااااااااااامس 0وعلى شان هيك لازم الانسان ينتبه من هالامور هذي لان بعض الناس في مثل هالامور تضعف 0


هاااااااااامس لك مني واللجميع اجمل ل ل ل ل
تحــــــــــــــــــــــــــــــــــــــــــــــــ ــــــــــــــــــــــيه


وشكرا

شاعر غدير الخيل