السلام عليكم..
أختي ..ماشاءالله الله يخليلك زوجك..من كلامك يعتبر بيتوتي ...أكثر الرجال يطلعون يوميا يسهرون بالساعات مع اصحابهم ...يعني بيدك وقت كبير تستغلينه عشان تعبرين عن كل مشاعرك
وبخصوص الكمبيوتر ..لاتزعلين أبد أبد.. من أبسط حقوق الإنسان انه يمارس هوايه لبعض الوقت .. او يقضي وقت مع نفسه سواء عند تلفزيون او عند كمبيوتر او فقراءة كتاب ...هاذي طبيعة البشر كل إنسان محتاج مساحه من الحريه .. وحسب ماكتبتي زوجك ماياخذ وقت طويل جدا ..او الوقت اللي ياخذه لنفسه مايأثر على مسؤلياته تجاهك وتجاه بيته ...
بس يمكن فرق التوقيت فالعمل بينكم هو السبب... انتي تكونين نوعا ما ارتحتي ساعات .. لان شغل البيت مهما كان بيكون أريح من ساعات برا ... تكون خلصت طاقته للكلام وانتي ادرى الناس بزوجك
وإذا مصره انه يسمعك...حاولي إن كلامك يكون جذاب ومحبب للنفس قد ماتقدرين
وسوالف الشغل او اخبار الاهل خليها بينك وبين خواتك او صديقاتك... يعني مافي مانع تكلمين صديقتك قبل يجي ربع ساعه وتطلعين كل اللي فقلبك من حكي لان احنا الحريم كلامنا مايخلص
وشوفي زوجك عادة وش اللي يجذبه من كلامك وركزي عليه ...
أما بالنسبه لشوقك ومشاعرك ان شاء الله تكون واصله ..ماشاااء الله عليك دامك تجهزين اكله وتعملين على راحته اكيد مقدر هالشي ...
وفي حركات كثير فالمنتدى تقدرين من خلالها توصلين احساسك مو شرط كلام شفهي ...
مسجات جوال ... ايميل ترسلينه له وبدل ماياخذ وقت بينه وبين نفسه على الكمبيوتر ... تاخذين وقته بكلامك الحلو وعباراتك المنسقه ..مع ان شكلك رومانسيه ومو محتاجه احد يعلمك هالحركات ...
لكن لازم تقتنعين انه يحتاج مساحه من الحريه وهذا الشي من صالحك مو ضدك...
الله يديم لك زوجك ويديم الحب بينكم ..ويرزقك الذريه الصالحه اللي تشغلك عن ابو العيال