عزيزتي الغالية .. لاتحزني .. لعله اختبار من الله عز وجل ليعلم مدى صبرك وتوكلك على ما حدث .. هو صحيح شيء يأثر على نفسية الانسان .. ان الشخص الخلوق الي قلبي حبه .. اتزوج من وحدة ما تستاهل .. وما تعرفين والله يمكن هو خلوق ويصلي وما اعرف ايش .. بس بالعشرة كيف راح يكون الله اعلم ..

الرجال والزواج عموما دائما يضربون المثل فيه بالبطيخة .. تفتحيها وما تعرفين حمرا .. ولا بيضة .. حلوة ولا لاء .. وهكذا .. يعني باختصار .. وعسى ان تكرهوا شيئا وهو خير لكم ..

اضربلك مثال لبيتنا احنا .. خطب اختي رجل وماشاء الله عليه ماينعاب بذرة .. من خلق الى صلاة الى مال الى نسب الى شهادة وذوق وتعامل راقي والخ ..

المهم مانع عمي الزواج .. لأسباب معينة .. واتفركشت الخطبة .. بس ماصار عقد قران .. بصراحة احنا حزنا لان رجل لايفرط به ..

بعد كم سنة سبحان الله التقينا بخالته وكانت تعرف الوالدة .. علمنا انه زوجته طلبت الطلاق بسبب غيرته المرضية .. لاحظي .. شيء ولا على البال .. يعني ذكرولنا مواقف بالفعل تستغربين .. وراح تقولين اكيد هالانسان مريض .. غيرة يعني فضيعة .. المهم انا اعطيك المثال عشان تعرفين ان الانسان مو شرط يكون كما نتخيله قبل ان نعاشره ونعيش معه اليوم بكاااااامله ..

احمدي الله لعله جنبك مايؤذيك ..

اسمحيلي على الاطالة ..

واتمنى ان نسمع خبر سعيد ان شا ءالله عنك ..

تحياتي لك
اختك م

__________________