عزيزتي الولع...ممكن تستغربين لو تدرين اني ماسجلت في المنتدى هذا الا عشان ارد عليك...تدرين ليش لانو مستحيل احد يحس بمعاناتك الا انسانه مرت بمشكلتك وانا وحده من البنات اللي مرت بهالمشكله وعشت اجمل سنين عمري سنين ال 20 وال 21 وال 22 في عذاب مايعلم فيه الا رب العالمين..لاني تزوجت انسان كان ضعيف جنسيا وجلست معاه سنتين وانا عايشه وماني عايشه ومحسوب علي متزوجه وياليته كان يحس بمعاناتي...الين في النهايه جاني اكتئاب وخفت على نفسي من الفتنه لانو هالشي صار شاغل تفكيري بشكل ماتتخيلين واخرتها طلبت الطلاق...وياليتني عاد ارتحت...انا مابي اسدها بوجهك ولا اضيق صدرك زياده لكن نصيحتي لك لاتيأسين سوي مثلي جربي كل الوسائل والطرق عشان بكره ماتندمين وتحسين انو كان في شي ممكن تسوينه ولا سويتيه وعشان يكون ضميرك مرتاح وراضيه عن نفسك واهم شي اكثري من الدعاء والصلاه واطلبي الخيره وادعي ربي يحميك من الفتنه....واتمنى من كل قلبي انو تنحل مشكلتك.....
تحياتي