السلام عليكم ..

اختي روح غالي

اولا كل تقدير لاختج وبصراحه حبيتها وكبرت في عيني لوقفتها مع والدتكم وربتكم

وفعلا لها كل الحق انها تتهنى وتحس انها انثى..لكن ابيج تكلمينها كأنج صديقتها ولا تحسسينها انج اصغر منها وبتنصحينها

لا كملها بطريقه ما تجرح كبريائها..

انها غاليه وثمينه وهالرجل ما يستحقها..وان قرار الزواج بيكون قرار لباقي حياتها ان شالله ..

لازم يندرس عدل..وانا معاج ان فرصة الزواج لو كان سنها كبير ما بتكون كثيره لكن مو معناته انها تهرب من واقعها لمستقبل مظلم

انا جدا ماارتحت لهالرجل بدا يستغل منصبها..وعرف ان هي فتحت له قلبها ..وبدا كلام الذل وان هو يملكها..

قولي لاختك انها فوق ان اي احد يذلها ..وانها جميله ورقيقه وصاحبة قلب طيب وحنون..وانثى بكل معنى الكلمه لان طاوعت قلبها وحبت رجل استغلالي.. رجل حاقد..

هالرجل لو يحبها ما صارحها بفكرة الزواج او الحب وهو مو مستعد له مادي اجتماعي او غيره..

وظنتي اللي بيفكر يتزوج على زوجته مو بعيد يبيع غيرها!

حاولي توقفين مع اختك كثر ما تقدرين..هالبنت القويه ..مالازم تضعف الان وخصوصا في قرار حياتها..

وباذن الله لها نصيب افضل..وشي ثاني بقوله لكل بنات حواء..يا بنات اللي ما جاها نصيب لا تقعد تنتظر احد يدق بابها

يمكن النصيب موجود لكن ما يعرف يوصلك..

التواصل سهل وبستر.عن طريق خطااابه تخاف الله وتجمع راسين بالحلال مافيها شي لو طلبت البنت لنفسها رجل صالح مستقيم..وبكل ديره موجوده الخطابه..

والزواج مو خبط لزق..لا ينسال عنه وينعرف عدل وتندرس اخلاقه..وفتره خطبه مطلوبه..ولكن بحدووووود ضيقه جدا..الى الملكه..قبل الزواج..ايضا فتره لدراسه زوج المستقبل وتحديد اذا بيريح البنت باقي حياتها او لا..


اسفه للاطاله وان شالله قدرت افيدكم

تحياتي

__________________