أخوااااااني وأخواتييي
أشكركم من كل قلبي على تواجدكم معاي في حزني وهمي
وربي طمنتوني حسيت اني مو وحيده
حسيت انكم معاي وقريبيييييين
ربي يخليكم لي ولا يحرمني منكم ابد ابد
ويجزاكم الف خير
أختي (فلــــــه)
اشكرك اشكرك اشكرك
بحاول اسوي نصايحك وخطتك وببدا فيها من اليوم
اخواني واخوتي اساله كثيره جتني منكم
بحاول اجاوب على بعضها
بالنسبه لسبب الشك
انا من ثلاث سنوات تقريبا كنت احب اكلم صاحباتي وخواتي واقاربي بغرفه ثانيه وهو مو عندي
مو لشي او انه فيه اسرار لا بس هو من النوع اللي يدخل بالسالفه ويتكلم فكنت اتفشل من اسلوبه وموانته الزايده وانا اتكلم بالتلفون فقررت اني مااكلم عنده وبعدين صار يشك ليش اكيد تكلمين واحد
وبالنسبه ليش ماعلمت اهلي
اهلي لو عرفوا انه يطق راح يطلقوني منه على طول خصوصا انه مهمل بيته بشكل كبير واهلي شايفين هالشي وامي دايم تلمح لي هو بيتعدل او خلي كل واحد بطريق وكنت اسكت واقول بخاطري لو تدرين عن الباقي وش تقولين...!!
وانا خايفه من الطلاق ماتتخيلون وش كثير خايفه اخاف اهلي ينظرون لي بنظرة شك بنظرة مطلقه
ممنوع طلعات ممنوع تلفون ممنوع نت ممنوع وممنوع وممنوع.......
خايفه من كذا خاااااااااايفه
وبالنسبه للأولاد ماعندي حملت مره وحده وولدت ولاده مبكره في الشهر السابع وتوفى الولد الله يشفع فيه.
امممم
وبس
واشكركم للمره المليون على تواجدكم بقربي....