السلام عليكم
عودة لكم من جديد.......

الصراحة ماتوقعت ان موقف الناس مني بيكون بهالشكل
اقصد ماتوقعت القى كل هالرفض,

هو كان مالي عيني بس الحين وبعد كل هالردود مادري شلون صار الوضع
مادري هل استجابتكم بهذا الشكل لها دخل في الاستخارة!!


بالنسبة لردك اخ نايف,
محد يقدر يضمن لي الفرص الي بتجيني للأسف
بس بعد ماظن ان هالشي يبرر موقفي :s
وبالنسبة للمميزات فهي موجودة وانا ذكرتها لكن انت ماركزت الا على السلبيات!!
بالنسبة للتفكير ماظن فيه ذاك الاختلاف.. دام الواحد تعدى عمر العشرين ودخل مرحلة النضج كثير عقليات تتوافق بغض النظر عن الفارق.. ولا كان ماصادقنا امهاتنا واباءنا ولا قدرنا نختلط مع مجتمعنا.. صح ولا لا؟
الله لايحدني على احد عقله صغير.. ان كان اكبر بسنة ولا عشرين سنة..


اختي مستحية..
شوفي انا ماني ماخذته ومنحاشة معه
كل شي بيتم تحت سمع ونظر اهلي ولا راح اسوي شي الا بموافقتهم.. وهم بيسألون عنه وعن اخلاقه طبعا..
لكن الرأي الأول والأخير لي مثل ماقالت الاخت بقايا صمت, انا ادرى بنفسيتي وقدرة احتمالي ورغباتي..
على فكرة انا ماكلمته الا على الايميل.. مو مسنجر
اكيد انهم يحبوني.. بس مدري يعرفون غلاتي ولا لا
سهل الكلام, بس مستحيل اقدر افتح موضوع مثل كذا قدامهم!
بكون حطيت نفسي في موقف سخيف, ولا يهون الموقف الي بيكونون فيه هم بعد
الي قلتيه صحيح مية بالمية.. وانا خايفة ان هالقبول سببه الاندفاع
لكن تأكدي انتي وباقي الاعضاء اني ماندفعت الا لاني شايفة شي يستاهل..



اختي بقايا صمت..
وجه الشبه انه انترنت...
والفرق الكبير والشاسع انك كنتي تعرفينه من مدة وفي اطار منتدى مب حياة حقيقية يعني ممكن تكونين معطيته اكبر من حجمة لهالسبب..
ظروف المنتدى صدقيني تعطي زخرفة اضافية للوضع الحقيقي..
أحيي فيك عقليتك, عسى الله يرزقني... امين


اشكركم كثير والله على ردودكم..
والله احس اني اناقش ناس اعرفهم من زمان..
كنت ولازلت انتظر رأي ايجابي واحد بس عشان اسوي موازنة على الاقل << الدعوه غصيبة