حياتي .. والله مومصدقه وأخيراً رديتي علي ... والله العظيم أني ميته من الفرحه .. كل يوم أنتظر ردك علي وكنت أحس بتأنيب الضمير .. أحس أني قطعتك ياأغلى أخت وأغلى حبيبه ...

وماعاش من هو مايعرف قدرك ياأم الغلااااااااا ...


وسبب انقطاعي ذكرته في موضوعي السابق بس يمكن ماشفتيه ...

والسبب أن الاتصالات عندنا في قطر(كيوتل) قطعت هذا المنتدى نهائياً عن دولة قطر ...!!

ولما كنت أفتح الصفحه يكتب لي أن المنتدى مغلق من كيوتل .. أحترق قلبي والشووووق ذبحني .. أبي اعرف وشخبارك من بعد الخبر اللي قلتيه وأنا شفته لما كنت في ماليزيا ... وتميت أتبع اخبارك وأنا في بانكوك وأحترق قلبي لما رجعت الدوحه ... لأني انصدمت أن الموقع مقطوع ... بس ماسكت وأشتكيت عليهم في الجريده ورفعوا موضوعي لمسؤولين كبار في الاتصالات وتميت مع موضوعي واتصالاتي لهم يومياً وقلت لهم أن المنتدى هذا أحسن منتدى في العالم وأغلاهم على قلبي وشلون تقطعونه وهو مايحمل أي شي شيييين ..؟ وهذا المنتدى يحترم كل الديانات السماوية وهو منتدى سعودي وبالتأكيد هو منبع الدين والحمدلله الحمدلله الحمدلله بعد مادخلت واسطة أخوي أسمحوا لنا بالدخوووول في هذا المنتدى فديته ... وفديتك أنتي بعد ... والله العظيم أن مرت علي ايام شينه وأحاتيكم من قلب بس مافي اليد حيله وش اسوي كنت افكر اني اسافر بس عشان اشوف اخباركم عن جد وحشتوني وحشتوني والله كنت ماانساك حتى في صلاتي ادعي لك وأدعي لكل وحده ماتزوجت تتزوج وكل وحده مهمومه الله يفرج عليها همها ....والله أني كنت ماادخل النت احس انه ماله اي فايده بدون هالمنتدى ...

هذي اخباري باختصار .... واتمنى اني اعتذاري تقبلينه يالغااااااليه وهذا توقيعي يعبر لك عن اسفي وحبي لك يااختي الغاليه .. وعلى فكره والله لوكنت اعرفك عدل كان سألت عنك وانتي في الكويت لأن عندنا ناس تعرفنا عليهم على ايام الغزو وللحين يزورونا وصلتنا معاهم فوق الاوكيه لدرجه ان عمتي جابت بنت وسمتها (شيخه) على اسم الام والحين هي في الصف الرابع ... طمنيني عن اخبارك واخبار امك الغاليه وخواتك ... بلييييز لاتتاخرين يالحب ...

وانا عرفت انك زعلانه علي لما كتبتي لي في موضوعي عن ليله الدخله .. عرفتيه طبعاً .. وكنت اسأل عنك واجد بس مافيه احد يرد علي .. كنت في كل مشاركه اكتب لهم وين مها طمنوني عليها .. والظاهر انك عرفتي السبب وارجوك سامحيني ومبارك عليك الشهر ياحياتي وكل عام وأنتي بمليون الف خير يالغاليه ...