حبيبتي الردود كثيرة وما أعتقد انا نقدر نعطيك اكثر..

بس نقطتين ركزي عليهم من الردود السابقة:
1- ان لكل حياة ظروف مستقلة! بمعنى لا تربطين بين الحياة السابقة والحالية.. فيمكن زوجك الجديد يكون رائع وخلوق بس مرة عصب او زعل عليك او قال كلمة انجرحت منها على طول تحطين صورة من الأول!! وهذا اللي خايفة يصير.. !
حطي في بالك ان كل زوج يزعل على زوجته وممكن يجي كلام واذا جا كلام من زوجك الجديد ليس بالضرورة ان يكون نسخة من السابق بل اعتبريها زلة وراح تعالجينها

2- هو طريقة لعلاج اخطاء زوجك! كثير قالوا ما تسمحين له يجرحك بالكلام وكلامهم صحيح بس كيف ما أسمح له؟ اعصب يعني؟ والا اصارخ؟ والا اتصل بالشرطة؟!
المفروض ان معالجتك خصوصا في الفترة الاولى من الحياة بالهددوء والتدريب!
ديعني اذا قال كلمة جارحة حسسيه ان ماله داعي هالكلام وان العلاقة اللي بينكم فوق هالمستوى!
اذا تكررت بيني الزعل فعلا بس لا تغلطين بالكلام
ايضا اهتمامك بتغيير طبيعة حياتك بترتيب البيت او اقامة حفلات او حركات مثل اللي في الموقع تحرك المشاعر بينكم فإذا حصل خطأ منه ولاحظ انك تغيرت عليه راح يسعى انك ترجعين لطبيعتك! لا تقولين زوجي الأول ما نفع معه! كل شخص وله طبيعة وبعجين اعذريني حالة زوجك الاول غير طبيعية وواضح يبغالها علاج فلا تتوقعين تكرار مثل هالصورة
بس احب اعطيك نصيحة!
انتبهي تنقلبين 180%! يعني تصيرين عكس مع زوجك الجديد! احيانا الوحدة ملا تمر بتجرية زي كذا تحاول تعوض في حياتها الجديدة فتصير مع زوجها مانها شرطي محاسب ومناقر وكل يوم مشكلة نتيجة تجربة مرة سابقة!
حطي الله بين عيونك وعامليه على انه اروع انسان بس انت ايضا لك كرامتك ومشاعرك بس اعطيه كل حقوقه وطالبي بكل حقوقك باسلوب انثوي! وراح تعيشين حياة جديدة وحلوة باذن الله!
مع ثقتي الكاملة في قدراتك ماشاء الله عليك صابرة على انسان زي كذا! وكلام زي كذا!!
مع اني متأكدة واصلا سبحان الله الزوج مثل هالنوع ما يقول مثل هالكلام الا على انسانة غالبا جميلة جدا ورائعة وخلوقة وحبوبة!
لكن الله يوفقك ويعوضك خير