أخي الفاضل ..


هنئياً لك على تصرفك الحكيم .. وطلب يد هذهِ الفتاة من أبوها بأسرع وقت ...


أخي ..


من المستحيل أن ربي يعطيك بنت مو في مستواك في الأخلاق .. لأنك دعيت ربك .. وربي هو اللي طرشها لك .. وبعدين ياأخوي مو شرط أن الوحده لو تشوف أفلام أجنبيه أو عربيه أو تسمع أغاني معناها أنها طلعت مع شاااااب .. طيب أنا اسمع اغاني ومدمنة افلام ولكن أعرف واجباتي إتجاه الله عزوجل .. والكثير الكثير من البنات محترمات وعارفين ربهم ..

مو شرط النظره الخارجيه .. فهناك الكثير من البنات اللي أعرفهم .. يلبسون العباية فوق الراس بس ولكل أسف أنهم من تحت لتحت ..

مدام أن سمعتها طيبه .. وأبوها رجل طيب و ذو أخلاق .. خلاص توكل على الله .. وتأكيد لو أن البنت فيها شي كان الديره بتتكلم .. لأن الناس مستحيل يسكتون ..


ونصيحتي لك ..

أنك ماتفكر ولاتظن فيها ظن السوء .. لأنها بتكون زوجتك وأم عيالك إن شاءالله .. وإذا أنت من الحين تشك فيها الله يعين بكره .. اكيد بتعذبها بظنونك ....!

عشان كذا .. أستخيــــــر ربك .. وراجـــع نفســـــك .. وألغـــي كلمه شك من قاموسك .. فإذا تأكدت انك واثق في البنت توكل على الله .. وإذا بتشك فيها وفي تصرفاتها .. أترك بنت الناس في حالها ..



تقبل تحياتي العطره .. وأتمنى لك كل التوفيق ...