أختي الغالية..
الله يعنيك احس بنفسيتك وبشعور الشخص اللي يشعر دائما انه مو محظوظ ودايم الظروف توقف بوجهه
بس خلينا من هالموضوع بس ليتم تسمعيني بهدوء وتريحين بالك شوي ولا تاخذين كلامنا مأخذ النقد والوعظ..
عزيزتي منو قالك ان الزانيات سعيدات في حياتهم.!!! ياختي من خلال اللقاءات اللي الصحف وهي ما تمثل الا القليل فكيف اللي في التلفزيون والقنوات! عشرات الموضوعات اللي تمثل انهيار داخلي في حياة أمثال هؤلاء!
ما راح اقولك شوفي فلانة وعلانة من الممثلات اللي انتحروا وانتهت حياتهم! بل شوفي حياة اللي عايشين الى الآن وشلون؟! لا تقولين هذوي من مجتمعنا وحياتهم غير طيب شوفي اللاتي وقعن في قضايا أخلاقية واسألى اللي يشتغلون في الادارات التايعة لهم عن حياتهم كيف وعذابهم كيف! صدقيني أنت ماجربت وش معنى الخطيئة! وان شاء ما تجربينها! صدقيني طعمها مر مر ويبقى طول العمر! احساسك بالندم والذنب مهما تهربت منه يظل يلح في داخلك! احساسك بأنك اقل من البشر صعب مرة! ومهما سويتي لا تتوقعين ان زوجك راح يندم او يحس! ابدا ابدا والله بالعكس راح يتخلص منك زي ما يتخلص من شيء قذر وراح يقول في المجالس انه اكتشف عليها اشياء غير سوية ويصير الناس بدال ما يقولون الله يهديك ليش هدمت بيتك بيقولون لا حول ولا قوة الا بالله.. الحمد لله انك تخلصت منها!!!! وهو فعلا راح يحس بالراحة لانه ما رماك الا بسبب يستاهل وكبير!
وقتها الندم أعظم وأشد من اللي راح تشوفينه حتى لو كنت الآن تحسين بغير كذا! لأن وقتها تتغير مشاعرك واحترامك لنفسك ينهدم!
اتمنى انك ما تزعلين من كلامي بس اتمنى تفكرين بعقل عذاب الدنيا اشد والا جهنم؟!! فيه انسان عاقل يساوي بينهم؟
فكيف انسان يقع في عذاب الآخرة! هروب من عذاب الدنيا؟!
اختي يمكن اختي مالك تجارب كبيرة في الحياة ومتوقعة الناس تعيش سعيدة وفرحانة وما تدرين عن اللي يصير في البيوت.... خذيها من اخت لها علاقات كثيرة واحبي اسمع اخبار الناس واناقش مشكلاتهم اللي عند الناس مصايب مو مشاكل! أمراض مزمنة الله يعافيك ياربي فيهم سرطان! وعندها امراض ثانية كل يوم بالمستشفى وبناتها مطلقات وولدها مسكين تمرمط بالدراسة وتركها وزوجها مطلقها وهايت بالدنيا وليتهم يخليهم في حالهم كان احسن! ومع ذلك صابرة ومحتسبة!
مو وحدة ولا ثنتين ولا عشر ولا ألفين!
الشي الثاني انا ما ادري عن حياتك لكن احساسك ان كل شيء يصير بصعوبة اعتقد انه ناتج من موقف حصل لك في طفولتك او مع اهلك وأثر عليك! لسبب بسيط وماراح تصدقنيه لو قلت لك كل اللي أعرفهم يقولون نفس الجملة!! بنفس الطريقة! وكل هم يقولون انا انسان (مقرود) واستغفر الله هذي الكلمة خطيرة بس الله يهديهم معتقدين فعلا ان حظهم بالدنيا شين على اختلاف ظروفهم اللي ما تزوجت تقوله واللي متزوجة ولا عندها اطفال تقوله واللي عندها اطفال وعندها مشاكل تقوله واللي عندا امراض تقوله! طيب لو كل وحدة شافت ظروف الثانية مو راح تغير رأيها؟! وتقتنع انها ما مقرودة بس في حياتها ابتلاءات!
اختي والله ضيقتي صدري بكلامك مرة مرة حسيته سكين قاعد يطعني كيف يهون عندنا عذاب الآخرة بهالسهولة قدام مشاكل ما اقولك تافهة لا والله بس في النهاية نقدر نتحملها!
أذكر مرة سمعت في شريط عن مريض في مسشتقى النقاهة! يقول الشيخ لما سألنا عن حالته قال:
هذا المريض اذا جا -الله يكرمكم جميعا- يقضي حاجته يقعد يتعذب 12 ساعة!!!!! شوفي 12 ساعة عذاب وألم شديد جدا ويتألم كنه طفل! في كل مرة! تخيلي في كل مرة!!! وهذا الشي يصير في الاسبوع من ثلاث الى اربع مرات!!!!! تخيلي يعني كل يومين يعاني من هالعذاب!!! وله سنوااااااااااااااااااااات على هالحالة!!!!
بالله عليك حياتك اصعب والا حياة هالمسكين؟! الله يفرج له من عنده!
آسفة طولت عليك وأتمنى ما أكون ضيفة ثقيلة بس والله من خوفي عليك تهربين من معاناة هاللحظة الى معاناة أشد منها! ولك في القران صور متنوعة مختلفة لعذاب النار شوفي اشد والا حياتنا! شوفي القهر اللي حس فيه اليوم والا اللي بنحس فيه يوم القيامة! شوفي كيف تنقهريبن لما تشوفين الناس مبسوطة وفرحانة تتكلم عن حياتها او تقرين في هالمنتدى او غيره مواضيع تدل على ناس طايرة بهناتها قارني بين قهرك الحين وقهرك يوم القيامة لما تشوفين نعيم من نعيم هذولي ولا جنتهم! ولا متعتهم وانت في حال ثانية!
الله لا يحرمن أجر الصبر والاحتساب صدقيني لو صبرت واحتسبت راح يعوضك الله خير من هذولي ويمكن ربي مجمع لك هالنعيم يا تشوفينه في الدنيا بس بعد فترة يا تشوفينه اضعاف مضاعفة مع الصديقين والأنبياء والصالحين اللي أكيد أكيد ما في ذلك شك شافوا معاناتك وأشد حتى لو جاهم عيال وتزوجوا ووو فإنه لقوا من البلاء اضعاف ما لقيتي بس بصور ثانية وصبروا وصاروا اعظم الناس منزلة ولهم افضل منازل الجنة الله لا يحرمنا!
كنتا اتمنى اني اكتب لك نصيحة بمشكلتك بس احطها مرة ثانية لاني طولت عليك فاعذريني بس والله محبة وحرص عليك..
الله يسهل امورك ويهديك للي فيه الصالح