مساء الخير اخوي
اول شي باقولك عالم النساء بئر ماله قرار
يعني مو شرط انكم تزوجتوا عن حب يعني انك راح تكون فاهمها 100% بالعكس
اوضح لك اكثر انا متزوجه من سنه والحمد لله بني وبين زوجي حب كبير وثقة وتفاهم وانسجام (قولوا لا اله الا الله)
بس المشكلة انه مايقدر يفهمني ويعرف وش داخل قلبي ومضيق خلقي منه بالرغم اني اعرف وش فيه من نظرة عيونه وهو بنفسه قالي هالكلام
يعني حاول تدخل لقلبها بطريقة غير مباشرة شوف وش الي متغير عليها وش الي مضيايقها من اي ناحية كلمها بلسان الصديق والاب وبعدين ماشاء الله عليكم يالرجال عليكم اساليب مختلفة في الكلام في التعامل في كل شي حاول انك تجدد باسلوبك وحتى بنظرتك لها
على فكرة مشكلتنا حنا الحريم نهتم بصغائر الامور شلون يعني؟؟
مثلا انا بصراحه احب الوناسه والطلعات والمشاوير الطويلة مع زوجي واكره قعدة البيت في المقابل زوجي بيتوتي درجه اولى وعنده كوب شاهي في البيت والقعده معاي والسواليف كانه لف الدنيا ورجع وماعنده مانع لو نجلس اسبوع او اثنين بالبيت
يمكن تكون مشكلة صغير او عادية لكنها دخلت علي الملل حتى من زوجي
في النهاية اخوي شوف المشكلة بعين زوجتك مو بعينك وراح تشوف كل الثغرات الموجوده بحياتكم والله يوفقك على سدها وتجاوزها يارب