الاخ الكريم ..
تحية طيبة ..
الانسان لما يأكل يكون جوعان .. ولما ينام يكون نعسان وتعبان
وزوجتك عشان تمارس معاك وتتحمل الالم مرة ومرتين عشان بعدين يروح ولا يعوووود
لازم تحب الجماع وتشتاق له ويكون ذلك الحب من أعماقها ......... لان احساسها بان هناك مانع يمنعكم وهو غير معروف
مع احساسها انها لازم تكمل الجماع وتأديه كأنه واجب راح يزيد الطين بلة ويسبب لها آلام يمكن مب موجودة او موجودة ولكن بشكل بسيط
وهي تحس انها ماتقدر تتحمل .
النقطة الثانية زوجتك تحتاج تثقف نفسها زيادة
في مراكز استشارات للمتزوجين ...................
لانها لازم تعرف وتقتنع ان الجماع الصحيح والسليم خالي من اي ألم!!
بالعكس هو عملية ممتعة جداً وعبارة عن مساج للجسم وتكسب الانسان نضارة وتحسسه بسعادة
فالثقافة عنصر مهم خصوصا من جهات مختصة .. مايكفي انها تقرأ من كتاب او منتدى او تسمع من خواتها
لازم تكون عندها ثقة في الجهة وتتناقش وتسمع عن افكار وطرق.
الشي الثالث .. هو عليك انت .ما شاء الله ربي يزيدكم حب ومودة ولا يفرقكم عن بعض
بس مهم انك تحاول تغض النظر عن الموضوع وتركز على اشيا ثانية ..
تشتري هدية .. تتكلم معاها عن اي شي غير الجماع .. الا اذا كان في كلامك تشويق لها للجماع
بدون ان تحسسها انك متحسر او تطلب هالشي او تحس انها مقصرة.
الشي الرابع احتمال يكون سحر او عين ( ومن مجربة )
يمكن تحس بآلام وتبكي بكاء بصوت عالي وتتهرب منك وتركض منك عشان ماتلمسها
بس السحر والعين مايكون بس في الجماع !!
وهاي نقطة مهمة يعني لو فيكم سحر او عين راح تلاحظون اشيا غير هالشي
عشان جي انا استبعد ان يكون سحر او عين والله اعلم
بس المعوذات تحصن الانسان فقرأها يومياً
الشي الخامس وهو مهم الدعاء الدعاء الدعاء
فالله هو الذي يبتلي الانسان ليختبر صبره والله هو الذي يخفف عن العبد
ويزيل البلاء وييسر لكم الامر.
تحياتي لك وربي يوفقنا معاكم
التعديل الأخير تم بواسطة النور والحنان ; 19-10-2005 الساعة 04:15 PM