مرحبا انا لي اضافه ويمكن قصه بقولها حصلت لاقرب صديقاتي وعشتها يوم بيوم
بصفتي اقرب صديقاتهاوقصتها مشابهه للقصه اللي ذكرها الاخ لي أثر
القصه ان البنت تعرفت على واحد وكانت علاقتهم صداقه وشوي شوي صارت قويه البنت اهلها محافظين وهي ماهي لعابه ماقصدها شي من ورا النت بس ملا فراغ
المهم اخونا حاول فيها بس ما قدر وظلت علاقتهم صداقه كان يسولف لها عن كل شي ويشاورها الى ان جا اليوم اللي اعترف انها غيرته وانه صار انسان ثاني وان مافيه قلبه الا هي وان ناوي يتزوجها ومن هالكلام ،،،
البنت صدقته وحبته واعترفت له باسمها الحقيقي وشوي شوي اكبرت السالفه وصارت تلفونات !!
على فكره هي من بلد وهو من بلد !
والبنت يخطبونها كثار وتردهم عشان عيونه وهو يدري وكل شوي يقول اصبري شوي لين افاتح اهلي ومن هالكلام !!
في النهايه البنت اكتشفت ان الاخ كذاب وهو متزوج وعنده عيال ! وحتى اسمه كذب فيه !! ماصدق الا في صورته لانه فتح لها الكاميرا
تخيلو بالله عليك بعد هالسالفه وين الواحد يجيه الامان!
البنت تزوجت والله عوضها خير الحمدلله بس متأسفه عدد شعر راسها على علاقتها مع هالكذاب وهي كانت تخرب بيت انسانه مالها ذنب وهي زوجته
عيشها بوهم وخداع الله ينتقم منه !!!

ولهاليوم البنت تحس بالذنب حتى مع زوجها اللي صار كل شي بحياتها وتموت في التراب اللي تطاه رجله لانها فرطت في مشاعرها وقلبه مع انسان نذل قبل لا تعرف زوجها ! وش تنصحوني اقول لها ؟؟ البنت هاذي مره حساسه وقلبها ابيض سحاب ؟ وش اقول لها وبايش انصحها ؟؟


؟؟ سوري اخوي لي اثر ان كاني طلعت عن سالفه خويك بس القصه متشابه !! واظن انها تتكرر مع ناس واجد

تحياتي للجميع