اكره امي ودنيتي!! وانتظر ملك الموت بكل شوق
السلام عليكم
اكتب لكم مشكلتي! أو مأساتي اللي مالها حل إلا بموتي أو بعجزة من رب العالمين!!!!!!
مأساتي مكتومه بقلبي محد فاهمنـــي .. ومحد حاس فيني ،، اريد نصائحكم لأني فعلاً محتاجه لها ،
واللي مالقيت احد ينصحني فيها أو يواسيني حتى .!
من لما كنت صغيره في حدود الـ " 14 سنه " كان بيني وبين شاب علاقة حب ماتتعدى النت والهاتف ،، للعلم بأنه
له معرفه بأهلي وانا لي معرفه بأهله ،، حديثنا كان عادي جداً بمعنى أن ماانحرفنا ابداً ،، وكنت اكلمه مثل صديقاتي
ويمكن هو كان افضل صديق واخ وحبيب بنفس الوقت ،، يومياً كنت اكلمه بالساعات ،، ونتبادل الرسائل ووو ،، وكنا متفقين نختم هالعلاقه بالزواج لين مايتخرج من الجامعه ويتوظف ويجي يخطب .. وبكل امتحان له يبشرني بتقديمه الممتاز ويخبرني أول بأول ،، وكانت الساعه الي انتظرها هي تخرجه وقبوله في وظيفه ممتازة
بس المشكله كانت في !.! أهلي!!!!!!
لما جا وتقدم اهلي رفضوه لأسبابهم التافهه ،، قمت انا كلمتهم وحاولت فيهم وصارحتهم بعلاقتي علّ وعسى ، لكن
بدون نتيجه ، وكان حلهم الوحيد الحبس والمنع من النت والهاتف ومن كل شيء !!
ظل الشاب ينتظر سنه كامله عسى الاوضاع تتغير وبرضو بدون نتيجه ،، والقهــــــــــــر
ان اهلي نسوا الحكايه وعندهم الموضوع انتهى وخلاص! وبطبيعة الأنثى خجوله وحقيقه ما أتجرأ اعيد انا وافتح الموضوع واطالب اهلي بالموافقه على شاب تقدم لي !! كبيرة بالنسبه لعاداتنا وتربيتنا..
ومذله للشاب انه يجي ويخطب مره ثانيه وهو تلقى الجواب من قبل ، وانا ماارضاها له
بكذا تكون حكايتنا وعلاقتنا انتهت واصبحت في ارشيف النسيان ،، وبقيت انا مع ذكرياتي واحزاني وهمومي
صرت انا مااطــــيق امي واكرهها بشكل كبير كبير كبير ، ولااحب اجلس معاها ولاحتى اسمع صوتها
وارتاح راحه مو طبيعيه لو قهرتها وعصبتها واستانس اكثر لو سمعت صراخها عليّ ! ولو شفتها تضحك أو فرحانه من شيء اتضايق ضيق مو طبيعي ،، واحسدها على ابتسامتها !! لأنها هي السبب في ضياع سعادتي واهلاً وسهلاً بالحزن
لاتقولون لي ان هذه امك وتعرف مصلحتك! لان مافيه اي مصلحه لي في رفضها إلا لأسبابها التافهه الي مااحب ذكرها
مشان لاتضحكون على التفكير المتخلف لها ،
ولاتقولون لي ان هذه جنتك ونارك ، لأن هذا الشيء مو بيدي ، هذه مشاعري واحساسي تجاهها ، تبون تقولون عني مريضه نفسياً بعد ؟؟ قابله بهالحكم لكن اذا كنت مريضه فسبب مرضي هي امي!
انا ماعمري حسيت بحنانها بكثر ماحسيت بصراخها ودعاويها عليّ ،، وتفرقتها في المعامله بين اخواني ،،
انا اكرههـــــا وهي مو حاسه بهالكره إلا اني ودي اصرخ في وجهها واقول لها انا ما أحــــبك أبداً !!!
لما تسولف معاي وتضحك ،، اذكر حكايتي ورفضها للشاب اللي ماغاب عن بالي ولافتره من هذاك العمر إلى الآن
وتجيني ضيقه والاقي ملامحي تتغير عليها واقوم عنها ،، دايماً اجلس بغرفتي وابكي وهذا حالي ،
الآن صاروا يتقدمون لي الخطاب ،، والي انا ارفض واحد ورى الثاني لأني مااتخيل نفسي لغير حبيبي !!
واقع ولازم ارضى به صح ؟!
ولكن مو مجبورة اعيش عمري تعيسه ، واعيش مع شخص وقلبي لشخص !! ماابي هذه الحياه
واذا خطبني شخص فيه كل المواصفات الي اتمناها واشوف امي متحمسه لموافقتي ، ارفض عنــــاد لها
خصوصاً اذا كان احد من طرفها اتمتع وانا ارفض وارفض وارفض
ومره خطبني شاب ،، واستسلمت ووافقت عليه ! فمو معقوله بظل طول عمري كذا لين مااوصل لمرحلة العنوسه عاد!
وقبل العقد وقبل كل شيء ،، تراجعت !! ورجعت الخاتم !!
لاني فعلاً مو قادره اتخيل اني بعيش مع شاب غير الشاب اللي حلمت فيه وبنيت احلامي معاه
ولو كان بيجي يوم بستسلم فيه وبتزوج! فمو حباً في النصيب !! بقد ماهو راحه وفكـــه من امي واهلي
اصحاب العقول الجوفاء!! >> اتمنى الساعه الي افارقهم فيها ، بس مااتمنى الساعه الي انزف فيها على غير حلمي وسعادتي ....... يااااااااربي ساعدني
جد اكتب لكم وانا ابكي واريد نصيحتكم ،،
انا تعبااااااااااااااااانه واتمنى الموت جد جد اتمنى الموت ،، ودايماً ادعي لنفسي به لانه هو الشيء اللي بيريحني
حتى اني مرات افكر بالانتحار!!!!! لكن ماريد اموت كافره ، وراح اصبر واشوف شنو خاتمتي!