منتدى عالم الأسرة والمجتمع - عرض مشاركة واحدة - اكره امي ودنيتي!! وانتظر ملك الموت بكل شوق

29-10-2005, 01:23 AM

* بنت النور *

عضو دائم

تاريخ التسجيل: Oct 2005

المشاركات: 51

ليونـاردو

اقتباس:

هل حملك هذا العاشق الولهان تسعة أشهر و ما فيها من ألم و مشقة و ما تلاها في الولادة و النفاس و تربيتك و تغيير حفاظك و رعايتك

أولاً ..
اكره اسلوب السخريه ،، وشربت منه مايكفي
ثانياً ..
كل أم حملت .. ولدت .. ربت .. سهرت .. الخ ،، سعاده لها مو لي!
وحتى الحيوان يحمل ويربي!!!
وليتها قتلتني قبل مااوصل للهاتف والنت مثل ماتقول

حبيبتي " اشتقت لأمي " >> ليتني احمل هالمشاعر لأمي انا بعد
وانا اقرأ كلامك دمعت عيوني ،، حسيت كلامك من قلب ،، لما اشوف امهات صديقاتي اتحسـر!!
ولما اشوف هموم صديقاتي عن المسلسلات والطلعات والفنانين اتساءل ، ليه انا اللي غير ؟!؟! انا والله كنت احب واموت في امي ودايماً معاها رغم معاملتها لنا الي ماكنت احس فيها ، بس لما الشيء وصل لعندي ، عرفت انا منو امي وكيف ؟!!

والله بقولك بدون مبالغه
لما وحده من صديقاتي تتصل عليّ وهي تجاوبها تكذب عليها وتخبرها ان انا نايمه او اسبح او اي شي !!
ولما اسألها تقولي انا ماابيك تكلميهم ولاتصادقيهم ، اقولها قوليلي تبيني منو ارافق ؟؟ تقولي ولا احد!!!!! اقولها تبيني ابقى بدون صديقات ؟ تقولي ابقي بدون صديقات انتِ شمستفيده منهم!!!!!!!!!!!!!!!!!
والله والله لو ماكان عندي صديقات كان انا من زمان طقيت ، اصلاً هم حلاوة دنيتي كيف ابقى بدونهم ،، رغم انهم من عوائل جداً محترمه ومحافظين وملتزمين مره ، يعني اخلاقهم مره تمام والكل يشهد لهم ودايماً تجلس تسخر على خلق الله
وتعاير فيهم حتى قدام اخواااني!! بالله ماتنقهرين لو احد عاير صحباتك !

امي دايماً تصغرني في عيون اهلي وابوي واخواني وتحرجني حتى قدام خواتي!! ولو صار شيء خاص فيني وبكيت
تجلس تضحك وتشهر للبيت بأني بكيت!!!! والله العظيم تجلس تضحك وانا في قمه قهري وانهياري!!

لو قلت لها على سر من اسراري ، اسمع كلامي بعدين على لسان خواتي! بمعنى انها تنقل كل كلامي واسراري الى خواتي وبأسلوب ساخر!

الليله بس الليله اختي جايبه لي بنتها علشان هي بتطلع ، وبصوت عالي جت امي وقالت لأختي ( انتِ تآمنين على هذه !! ) >> تقصدني انا !! دااااااااائماً تحطم من معنوياتي!!

اذا شافتني اذاكر قامت تضحك! وتقول تبي تسوي نفسك فالحه يعني ؟؟

ولما سمعتني اقول اني اريد ادرس في الخارج قالتلي وقدام اخواني ( انتِ مراهقه ولاتحلمي تدرسي بره ، اصلاً كفايه عليك شهادة الثانويه )!!

غير كذا انها دائماً تنقص اسمي ! وتنزل من قيمتي حتى قدام الناس!

والله اتحسر لين شفت ام صاحبتي تجي تكلمني وتسلم عليّ ( بعكس معامله امي لصحباتي ) ،، ولو وحده من امهات صحباتي تقولي سلمي على امك ، انا اجي ابلغ امي وهي ماترد حتى السلام!!

دائماً تقارن بيني وبين فلانه وعلانه وتبين لي بأنهم افضل مني بكل النواحي! بس لانهم من اقاربها
ولااحد من اقاربها يسوى رمل جزمتي

الأم مو بس كلام! تحمل وتولد وخلاص واجب عليّ محبتها!
حبها مو بيدي ، حبها تبنيه معاملتها ، وانا ماعمري حسيت انها امي ، وفوق كذا تحرمني من الانسان اللي تمنيته

انا شنـــــو ابي من الدنيا الا اني اعيش مع اللي احب! وسعادة قلبي وراحة بالي

حبيبتي !
مااكذب عليك اذا قلت لك .. اني مرات احسها زوجة ابوي! مو امي
ومرات واجد تمنيت لو كانت عندي زوجة اب .. يمكن تكون معاملتها افضل

انا لو احكيلك مابخلص ،، وراح اخليك تسأليني ( كيف انتِ عايشه ) !!!!
بقبر الدنيا ؟

اشكرك عزيزتي " اشتقت لأمي " !

**الماسه**

اقتباس:

بسبب شاب لو احلف انه نسى الموضوع .....وبكرى او بعده بيدور غيرك >>>>انا متأكده

ابشرك .. خطب وعقده قريب!!