مشكورين حبايبي والله يجزاكم كل خير
وابتعدوا شويّه عن مسألة الشاب والخطبه ، وركزوا في مشكلتي مع امي !
بقولكم هي من قبل ماجا اللي اريده وخطبني كانت كذا،، حتى اني مره كنت مريضه واصارخ من الالم وماكان احد في البيت ولما طلبت منها تتصل على ابوي او اي احد مشان يآخذني المستشفى قالت لي وهي ماشيه " انا بروح زواج فلانه بنت فلان ، انتِ اتصلي عليه وخليه يجي يآخذك " !!!!!!!!!!!! وكأن الزواج بيطير لو تأخرت ثواني في الاتصال! أو يمكن الزواج وهالعلانه اهم من بنتها
انا حقيقه مااهتم لمثل هالاشياء لأني ماتعودتها منها ، وحصلت منها كثير وماكنت اهتم لان كان عندي الشيء اللي يغطي على معاملتهــا واللي انتظره واقول هااااااانت .. بس الحكايه وصلت لعندي وانتهت بسببها مستحيل اسامحها!
ومو لأنها امي انتوا تجبروني على حبها والاعتذار لها.. انا ماتعودت اعتذر لأي احد غلط عليّ وظل غلطان
اناديها يمه الا اني مو حاسه بمعناة هالكلمه وعظمها.. وكيف احس وانا ماحسيت فيها إلا بالاشياء الماديه بس ، المعنويه لا
انتوا راح تقولون لي لاتركزي على السلبيات؟ طيب كيف والسلبيات اكثر من الايجابيات
وان كان فيه ايجابيات .. فهم اي واجب على كل أم
مسألة الشاب صارت ماتعني لي شيء نوعاً ما .. لاني فقدت الأمل! وان كنت داخلي اتقطع واحترق ألف مره
بس ماراح اسامح السبب باللي صار ،، واللي ماجمعني معاه في الدنيا .. يجمعني معاه في الآخره
وتحياتي لكم
التعديل الأخير تم بواسطة * بنت النور * ; 31-10-2005 الساعة 04:35 AM