منتدى عالم الأسرة والمجتمع - عرض مشاركة واحدة - اكره امي ودنيتي!! وانتظر ملك الموت بكل شوق

01-11-2005, 04:32 AM

#54

* بنت النور *

عضو دائم

تاريخ التسجيل: Oct 2005

المشاركات: 51

أم اثير4
الله يصلح امورك وامور اولادك ويرجعهم لك سالميـن
أم اثير .. ماعتقد فيه بنت تكره امها من لما تطلع على الدنيا ومن صغرها ؟
وانا والله العظيم كنت صادقه في كلامي بالرد اللي فات .. جد كنت احب امي ولو على ذاك الوقت اشوف بنت تكتب كلامي هذا
الا استغرب ويمكن أضحك!!

انا الشيء اللي ضايقني هو رفضها للانسان اللي اعتبرته انا سعـادتي ،، فوق رفضها هو عدم اهتمامها
يعني لو كانت عطتني اسباب مقنعه لرفضها ، او جتني واستني ، قالت لي هذا خطأ ، هذا صح ، انا اعرف وين مصلحتك انا اشوف ان كذا وكذا ماكنت حسيت بهالاحساس ويمكن مااهتميت بحكاية الشاب وكان عندي الشيء الاساسي هو رضاها ولكن هي ماتدري عني ، ومعاملتها سيئه معي ( قبل ماتتغير معاملتي انا بعد ) ، هم بعد ترفض لأسباب تافهه ؟!؟ سبب مايعيب خلقه ولادينه ولااهله ولاسمعته ولا ولا
وعلى فكره ،، اهي مارفضت عشاني كنت اعرفه من قبل او كنت اكلمه لالا ابداً ..!

علشان كذا انا مقهوره ويمكن يحق لي القهر والكره! لإنسانه حرمتني اشياااء كثيره
حرمتني من كلام ونصيحه كل ام ، حرمتني من دعاءها ، حرمتني من صدرها وحنانها .. كيف أخلق الحب ؟

اقتباس:

و عموماً مهما انكرتي محبة أمك انا متأكد انكي في أعماقك تحبينها بشدة لأنه ما يمكن انه يوجد انسان يكره امه مهما سوت فيه و الله لو تضربه بالنعال على وجهه عشر مرات في اليوم بتظل أمه و بيظل يكن لها الحب في أعماقه ..

بقولك شغله ليونـاردو
انا فعلاً تجيني اوقات احس نفسي جد اكرهها واجبر نفسي على السكوت
وفي نفس هذه الأوقات .. مره صار عندنا شيء بالبيت قهر وعصب امي بشـدة لدرجة ان عيونها صارت حمره وكأن بتسقط دمعتها
انا قمت اناظر لها وفجأة شفت دمعتي انا على خدي لاني ماقدرت اشوف امي بهالحاله ،، وكان ودي وقتها امسح عليها او ارمي نفسي على صدرها
إلا انها خربت هالشعـور بصراخها عليّ بنفس اللحظه!!!!!!!!! شعوري بأني احبها هذا قديم لانه كان موجود ،، بس دمعتي ونظراتي لها تقدر تقول ندم على كل غلط عملته لها
لاني شفتها بوقت حسيتها فيه ضعيفه .. بس هي خربت الشعور وقطعت هالفكر بصراخها عليّ!!

اقتباس:

أيضاً أنصحكي انك ترتبطين بأول عريس مناسب يتقدم لك لأني احس ان هذي النقطة هي أهم اسباب سخط أمك عليكي و لتثبتي لها انك انسانة جادة و تبين تكونين أسرة و كيان مستقل ..

هذه النقطه اللي مااقدر اضحي فيها .. حتى وان تقدم لي الشخص المناسب لكن نفسيتي مو مناسبه
وانا عارفه ان هذا سبب رئيسي في سخط امي ولكن عذراً

اقتباس:

وبعدين ياحلوة استعدي وجهزي هدية حلوة لأمك تهدينها لها بالعيد ...

حبيبتي نيفيا
تصدقين اني بالعيد قبلت راسها وعايدت عليها وقامت تضحك عليّ !!
وكأني سويت نكته او شيء يدعي للضحك!! من يومها ماعدت كررتها ، انا سويت بس اهي احرجتني!!
بالله عليك مو غريبه لو تعايدين بأحد ويقوم يسخر ويضحك عليك!! او بالله عليك بشنو راح توصفينه؟

يارب رحمتك..!