الأخت / أنفال
اشكر لك اهتمامك وردك علي مأساتي طبيعة العمل اللي بنشتغل فيها لا يلزم وجودنا في مكان واحد الا بضع دقائق لانني أعمل بالدعاية أما هو فبيسافر علشان المشتروات وكدا لكن بنكون علي تليفون يعني لو حسبيتها هتلاقيني ممكن يعدي يوم او اتنين مش بشوفه في حال وجوده في البلدة أما اثناء سفره فممكن توصل ل20 يوم لا نري بعض وحت يمكالمة التليفون بتبفي كلها عن اخبر الشغل ولما بينزل معظم وقتنا كلام في الشغل حتي لما يجي يزورني في البيت نفس الشئ . واللي وجعني اكثر من اللي قلته هو ان امبارح كان اول ايام العيد زي ما انتوا عارفين كل سنة وانتوا طيبين تخيلوا اد ايه مدي انتظاري لمكالمة منه بعد صلاة العيد علشان يقول لي كل سنة وانتي طيبة علي بال ما يجي بالليل يعيد علينا لكن للاسف دا محصلش لحد ما قلقت ليكون بيه شر لا قدر الله فقمت بالاتصال علي المنزل علشان اعيد علي ماما " حماتي " وبالفعل عيدت عليهم كلهم وسالت عنه قالوا انه بيعيد علي زملائه والأهل ومرجعش من ساعة صلاة العيد تخيلوا راح يعيد علي الناس ونسيني نسي اني مستنياه بصراحه مقدرش اوصفلك اد ايه كان حزني وقتها حسيت اني أخر اهتماماته دا لو فرض انه مهتم بي ......... ولما جه وبعاتبهم قالي ما انا جيت اهو وبعدين العيد لسه مخلصش يعني زعلت جدااا قعد يتكلم علشان يصالحني وانا محبيتش ازود علشان مضيعش انا كمان بهجة العيد لكن مكدبش عليكوا جوايا حزينة حزينة جداااااااااااا وغير راضية عن الوضع دا ومش عارفة اعمل ايه ؟؟؟؟؟؟؟؟؟؟؟؟؟؟

علي فكرة بخصوص السلام احنا مش متخاصمين ولا حاجة ومكنش فيه اي زعل وعلي فكرة انا مبحولش يكون بيني وبينه اي زعل يطول لخصام لكن نصيبي كدا