أخوي Fahacci
حابه اساعدك بس ودي تكون صريح معاي !!
انت اختلفت مع زوجتك ليش ؟؟
يعني هل منعتها مثلا من اكمال دراستها ؟؟
او منعتها من شي اهي اشترطته عليك قبل الزواج ومكتوب في عقد الزواج ؟؟
يعني الاختلاف بسبب شي اتفقتوا عليه قبل الزواج والا الاختلاف بسبب اخر ؟؟
وكم عمر زوجتك ؟؟هل انتوا عايشين في بيت مستقل؟؟
ولردك على هالاسئله راح اقدر اجاوبك بكل ووضووووووح وبكل صراحه واخلاص
واقدر اعطيك الحل اللي ان شاء الله بيخدمك ويفيدك ويصلح حالك ان شاء الله
بس حاليا خل زوجتك في بيت هلها ولا تتصل ولا تكلمها هي ولا اهلها اتبع سياسة الصمت والتجاهل
وراح انشاء الله اقولك شنو تتصرف بمسالة بنتك وزوجتك واهلها
بس كله يعتمد على ردك علىالاسئله اللي سالتك بكل صراحه بس مثل ماقلت لك انساها وتجاهلها
وبخصوص بنتك راح اقولك شلون وضعها بس حاليا اقدر اقولك لاتخاف عليها ولا تحاتي
وعليك تجاهل الوضع وبس الين تجاوبني
ولا يهمك ترى كلنا مرينا بمشاكل في حياتنا الزوجيه
وكل ازمه مرينا فيها بحياتنا الزوجيه اعطتنا درس وخبره في الحياه
وشوف يا Fahacci
الله سبحانه وتعالى كان لمن الرسول محمد عليه الصلاة والسلام تصيبه مشقه في الدعوه
كان ينزل عليه ايات عباره عن قصص عن الانبياء السابقين ويقصد فيها الله انه يواسي الرسول
ويخفف من ازمته ويوريه ان اللي اصابك من الاذى اصاب الانبياء اللي قبلك
فتعطي النبي مثل هذي القصص والابتلاءات اللي مرت بالانبياء اللي قبله دفعه للامام
و يفهمه انه ليس الاول اللي ابتلى وان هذا مصير اغلب الانبياء
فتهون عنده مشكلته ويصبر ويحمدالله
وانا بعد حابه اعطيك نبذه بسيطه جداً عن حياتي الزوجيه حتى اطيب خاطرك
واقولك لا تكتئب وتطمن واعرف ان هذي سنة الحياه والمؤمن مبتلي
والله يقول: (( وخلق الانسان في كبد ))
وبقولك بكل صراحه أنا يا ما اختلفت مع زوجي وصارت مشاكل
وكنت اروح بيت اهلي لمن اشوف اني انظلمت ومانصفي زوجي
وخاصه اني كنت عايشه بيت اهله وكانوا يتدخلون بحياتنا بطريقه غير طبيعيه
وكان زوجي سلبي بسبب تاثير اهله وماينلام صراحه اهله ياثرون في الصخر !!
كانت ايام الخلاف عندنا اكثر من ايام الود !!
وكنت اقوله: هلي غلطانين اللي زوجوني اياك
وهو يقول: انا غلطان والعن اليوم اللي تزوجتج فيه
واقوله: دام غلطان ردني بيت هلي ليش مقعدني عندك .... الخ
وكلام اكثر من هذا !!
بس مع استقلالي في بيت مستقل ومع مرور السنوات صرت افهم زوجي
ويفهمني وصار بينا تفاهم وود
ومع السنوات والعشره والعيال حبينا بعض واللحين مع مرور اكثر من 15 سنه شوفنا
مانستغنى عن بعض ودايم يتغزل فيني غزل ماشفته في بداية زواجي
ويقول لو يرجع الزمن مره ثانيه بتزوجج وانتي اعظم شي بحياتي
وزوجي من حبه لي المسكين صار يقولي احيانا اذا مت لا تتزوجين علي
وانا اقوله يومي قبل يومك ان شاء الله لاتقول هالكلام الله يسامحك
نقول هالكلام يا اخ Fahacci بعد ماكنا نقول كلام ثاني واحنا مختلفين في السنوات الاولى
من زواجنا وبصراحه موالسنوات الاولى بس الا الوسطى بعد !!
بس الحمدلله استقرت فينا الامور وصرت احبه واحن عليه واحس اني مسؤوله عليه
واخاف عليه كانه جزء مني وماستغنى عنه !!

وانا اقولك علشان تعارف ان اغلب المتزوجين مو اغلب المتزوجين الا كلهم !!
مروا بمشاكل في حياتهم وزواجهم بس في الاخير استقرت حياتهم وتاكدوا انهم لبعض دائما وابدا .

وتأكد أن كل ازمه وبتنحل وكل داء وله دواء وان استعصى الدواء فاخر الحلول الكي !!
وان شاء الله راح اعطيك الحل بس بعد ماتجاوبني على سؤالي وان شاء الله بتنحل ازمتك بارادة الله.

والله يكتب لك اللي فيه الخير.

__________________