المشاركة الأصلية كتبت بواسطة المرأة الخارقة

السلام عليكم ورحمة الله وبركاته ..


أختي العزيزة خذيها نصيحة من وحدة عانت أشد المعاناة من هذا الموضوع لا وأنا زدت عليك بعد شهر يعني أربع شهور ولما كنت بس أقعد جنبه ينتفض كأنه طير من بعد ما كانت علاقتنا حلوة وطبيعية

قالولي عين وسحر وحتى هونفسه كانت تبريراته مش منطقية مرة ضغوط العمل مرة دايخ وتعبان والله والله لجأت لكل الوسائل الصلاة والقرآن والدعاء حاولت معاه وحاولت تكلمت مرة وبكيت مرات حتى إني رحت عند أهلي فترة قلت يمكن يفتقدني وما في فايده قلت في نفسي هذا حد مدخل في مخه فكره وقاعد يطبقها والله أعلم كنت أريد أعرف بس سبب يخليه يقسى علي بهالشكل لا تصدقين اللي يقولج عين وسحر لازم في سر ..

بعد الصبر والصبر والضغوط النفسية دخلت في دوامة ثانية وهي الشك وآآآآآآآآه من الشك يهد الحيل خصوصا لما يكون الطرف الثاني خبر خير فتشت في تلفونه والشيطان خلاني أشك بكل الأرقام اهتزت ثقتي بنفسي صدقيني أختي عشت أيام عصيبة محد قدر يطلعني منها لحد ما جا يوم ..

قلت لنفسي يا بنت الناس شو اللي قاعده تسوينه في نفسك وفي عيالك تركتي كل شي وقاعده بس تدورين في أسباب إعراضه عنك وفي النهاية ما لقيت عذر مقنع صدقيني ما هانت على نفسي حسيت إني أنا اللي ما أريده واجباتي أقوم فيها على أكمل وجه ما أقصر في شئ ولكن قلت لازم أعلمه درس ما ينساه حسسته إن هالشي مو مهم عندي شغلت نفسي بأشياء ثانية لحد ما تعودت على هالإحساس حسسته إنه خسرني وهني جن جنونه قعد يسأل عن اللي غيرني وأنا بكل برود أرد أنا ما تغيرت صدقني يتهيألك على فكرة هذا كان رده لما كنت أسأله ليش متغير وصاد عني ..

عزيزتي حبي نفسك اللي يهون عليه يعذب فيني شهور حتى ما يضغط على نفسه شوي علشاني وأنا اللي أركض أدور راحته أتحمل زعله وعصبيته لما يتعب يلقاني جنبه أخفف عنه أضغط على نفسي علشان يرتاح أهون عليه يشككني في نفسي وفي أنوثتي لدرجة إني صرت أشوف كل البنات حلوات ما عداي وأنا والله ما فيني عيب والحمدلله بالعكس كان يشوفني أجمل البنات لدرجة إنه كان يقولي أي ريال في الدنيا يتمنى بنت بمواصفاتك فجأة صرت غير مرغوبة كنت على يقين إن في وحدة ثانيه أو هالريال مريض نفسي يستمتع يشوفني تعبانه وأوسوس وألحين الحمدلله صار هو اللي يتمناني طنشيييييييييييييييييه حسيسيه إنه هو اللي ما يثيرك إمدحي شباب الدعايات والممثلين جدامه خلك على طول سرحانه جدامه خليه يقول هاذي شو اللي شاغلها عني لما يكون قاعد في غرفة سوي نفسك مشغولة في الغرفة الثانية خليه يفتقد وجودك معاه خلك كله ساكته وغامضه صدقيني لو حتى فيه مرض نفسي أو عضوي بيصح وبيركض وراك ..

أنا متأسفه على الإطالة ويمكن البعض ما يعجبه كلامي لكن صدقوني ما شاركت إلا علشان تجربتي مشابهه لتجربة الأخت الكريمة وحبيت أقولها شو صار معاي وعلى فكرة أنا لحد ألحين ما عرفت سبب واحد منطقي لتصرفاته معاي .....

أدعوا الله العلي القدير إنه يفرج همك ويهديه لك ....


أرجووووووووكم سامحــــــــــــوني ....