الله يعينك على ابتلائك
بالنسبه للموضوع غشاءالبكاره بقولج قصه مشابهه لقصتك من ناحية البكاره
كانت لي جاره انا وهي اكثر من الاخوات ولها بنات وبناتها اعتبرهم خواتي وبناتي وهم يرتاحون لي
ونزور بعض رغم اني انتقلت لسكني الجديد
وتفاجات مره في بنت جارتي وعمرها 18 سنه تتصل لي الصبح وهي تصيح وتقولي:
خالتي بقولج شي صار ماقدر اعلم امي عليه ولا اقدر اسكت عنه !
قلت لها : خير ان شاء الله خوفتيني
قالت لي السالفه وهي تصيح
تقول كنت في الحمام واغسل نفسي مادري بطريقه جرحت نفسي ونزل دم خفيف يعني قطرات بس خفيفه جدا
( المهم انها اكدت لي انه نزل دم خفيف ) وكانت تصيح
انا قلبي وقف من الخوف بس بنفس الوقت لازم ماخليها طمنتها وحسستها انها سليمه ان شاء الله
وقلت لها لازم نروح الطبيبه نتاكد بس لازم تعلمين امج
قالت : لا لا تعلمينها انتي وديني مو لازم تعارف اني
قلت لها : مادر اتصرف بغير اذن امج وتطمني خلي الوالده علي لا تخافين
ورحت لها وانا والله العظيم مهمومه وشايله هم البنت وبالعافيه قدرت انطق
واقولها السالفه بطريقه مبسطه مسكينه الام ماصدقت وانهارت وقعدت اهديها
ورحنا لعياده خاصه ودخلت على الطبيبه لان الام مو قادره تشيل نفسها وكشفت عليها الدكتوره
وطلعت النتيجه !!!!
قالت لنا الطبيبه :
فيه جرح قريب من غشاءالبكاره !!
بس
لازالت البكاره سليمه !!!
والحمدلله بس لازم تحاسب المره الجايه مو كل مره تمر بسلام
المهم انا شفت الام لقيتها تصيح من الفرحه وتبكي وصارت الدكتوره تهديها المسكينه
بس قالت الدكتوره للبنت بس لازم تحاسبين المره الجايه مو كل مره تسلم الجره
وهالبنت فرحت وردت ثقتها لنفسها وتطمنت وكان راي سديد منها انها ماسكتت على الموضوع
وفكرت تكلمني واللحين وبعد مرور سنتين على السالفه تزوجت البنت وماشاء الله عليها
كانت عروس جميله وكله ثقه بنفسها
وحبيت اقولج سالفة هالبنت حتى ماتسكتين على نفسج وتكشفين وتتاكدين .
بالنسبه لمسالة الاغتصاب........
مادري شلون ساكته حتى لو كنتي عذرا وحتى لو كان الاغتصاب سطحي
او تحرش بس بدون محاولة فض بكاره المفروض ماتسكتين !!
المساله فيها غموض !!!
وبعدين حتى لو كشفت عليج الطبيبه وقالت البكاره سليمه المفروض ماتسكتين وتعلمين اهلك
تقولين لهم ولد عمي يتحرش فيني بدون ماتقولين اغتصبني خليهم يادبونه
ولو كنتي خلاص انفتحتي بعد ماتسكتين ولازم اهلك يتصرفون يعني ابوج يكلم اخوه علشان تتزوجين ولده
المساله ماينسكت عنها بالطريقه اللي تتكلمين عنها انتي
في الاخير ماوصيج اختي الموضوع ماينسكت عنه
والله يستر عليج وعلى جميع المسلمين
__________________
.................. رفقاً بالقوارير .....................