أنا مطلقة من أربع سنين وعندي ولد عمره الآن خمس سنين ونصف مشكلتي إني طيبة حيل وإذا كان أحد بضيقة مالية أو مشكلة أساعده ولكن للأسف أنا إذا احتجت شئ أطلب المساعدة من إلى ساعدتهم مثل إخواني وأبو ولدي قبل 6 شهور طلب مني أبو ولدي فلوس كان محتاجها وقال برجعها ولكن للأسف لم يفي بوعده ولم يرجها لحد الآن لأنه نكر إنه خذا شئ مني وكذلك أخي طلبت منه سلف لكن رد بكل وقاحة روحي خذي من البنك فيزا ما أقول إلا حسبي الله ونعم الوكيل

مشكلتي الثانية قبل سنتين تقدم لي شخص من السعودية ورفضته علشان ولدي راح يبتعد عني وتقدم لي شخص ثاني قبل ثلاثة أشهر لكن هو أكبر مني عمره 60 سنة ورفضته لأنه كبير وعقيم والحين أنا ضايعة أمنيتي أتزوج لأن ولدي دائماً يقول ماما ليش خالتي عندها عيال كثير وأنت لا أبي يكون عندي خوان وخوات بس الزواج قسمة ونصيب قبل 3 أشهر أبو ولدي كلم زوج أختي يبي يرجعني على ذمته بس بعد شنو بعد ما تزوج وصار عنده بنات ويبيني أصرف عليه وعلى الشقة لأن يقول ما يقدر يصرف على بيتين وفوق هذا تدرون شنو قال ( قال زوجته تخاف الله وما يقدر يشرب قدامها) يبي إذا رديتله يشرب عندي صج حقير ما فكر فيني وفي ولدي وأول شئ ما فكر إن فيه رب العالمين وين يروح منه بس أنا بلغت زوج أختي بإني ما أرضى أرجع لواحد عايش حياته على الشرب والسهرات أبي الكل يدعي لي بالزوج الصالح والذرية الصالحة