السلام عليكم ورحمه الله وبركاته

انا عندي مشكله وهي علاقتي مع امي علاقه شبه معدومه احسها ما تحبني تكرهني مع اني مقتنعه ان ما فيه ام تكره بنتها بس دائما تحطم من من قدراتي مبتعده عني انا للعلم منفصله وكنت في فتره الملكه متعلقه بخطيبي كثير ولما انفصلت حسيت بفراغ وطبعا الى حد الآن وانا في وضع الله اعلم فيه وخصوصا اني خلصت دراسه يعني جالسه لا شغله ولا مشغله تصورا مثلا امس كنت اصيح من قلبي لان غصب عليي رفعت صوتي عليها استغفر الله العظيم تسلط اخوي عليي مع انه صغير عمره 11 سنه وانا عمري 22 بس هو الكبير في الاولاد وجا بعد خمسه بنات لهذا امي مره تحبه اكثر منا
يرفع صوته عليي وما يحترمني وما كني اخته الكبيره طبعا هو ما يصلي ويرسب في دراسته والفاظه غير مهذبه ولما كلمت امي عن هذا قالتي مالك شغل انا وابوه راضين بكره يكبر ويعقل واي تصرف اسويه تعلم ابوي عنه اي شئ اي كلمه اقولها وابوي بدون اي تفاهم معاي يصرخ في وجهي امام خواتي واخواني والله احس بإحراج لان هذا ابوي صرت اجنب اكلمها عشان لا تصير بينا مشاكل لكن الى متى انا تعبانه نفسيتي ولما قلت ابشتغل وابدور على وظيفه رفض ابوي ويالله اقتنع بعد مليون ترجي وصياح بعدين قالي والمواصلات كيف انا ما عندي وقت الك وما ارضى بنتي تركب مع سياره احد غيري يعني تقعدي كذا
طبعا من كثر ما اصيح صاروا يقولوا عني اني مريضه نفسيه واي تصرف اسويه قدام اخواني وخواتي يقولوا الي انتي مريضه نفسيه
مره كنت جالسه مع امي واتكلم عن امنتيتي اني نفسي اتزوج ويكون عندي اولاد طبعا سكتت عني وراحت قالت الى ابوي لا ن كل كلمه تقولها اله بالتفصيل المهم لما شافني اصيح من وضعي لاني فاضيه وغير كذا المعامله السيئه اليي جا قال اليي انتي ويش تبين في الشغل تعب وهم والزواج مايصلح كفايه قصص هالطلاق الي نسمع عنها

حطمني مو قادره استوعب ان فيه ام واب يكرهوا ان يشوفوا بنتهم سعيده في مهنتها ومع زوجها وانا محرومه من هالاشياء وعااادي عندهم ما تأثر فيهم دموعي الي من قلبي خلاص انا صرت ما احب اكل وجسمي ذبل مهمومه والله
واي شئ احاول اعبر عنه قالوا مريضه نفسيا حتى اخواني الصغار صاروا يكروروا هالكلمه

قولولي كيف الواحد يتصرف مع هالمواقف وان أومن بان رزقي محفوظ عند ربي والمكتوب اليي راح اخذه بس تحطيم اهلي اليي يخليني يائسه واالله كيف استعيد ثقتي بنفسي وما اهتم الى كلامهم
ما اقول الا الله يهديهم ويغفر الهم

__________________
قم في الدجى واتل الكتاب ولا تنم
الا كنومه حائر ولهان
فلربما تأتي المنية بغتة
فتساق من فرش الى الاكفان
يا حبذا عينان في غسق الدجى
من خشيه الرحمن باكيتان