أختي الفاضله: زوجك تربى على هالألفاظ وتعود عليها، وانت كنت عكسه تماما، وكان عليك من أول مرة سمعتيها ابديتي استنكارك وغضبك.لكن لا نريد نبش الماضي،إليك ما أرى أنه حلا مناسبا إن شاء الله.
الزوج الحنون والحساس يؤثر عليه الزعل حتى لو كابر ، وسوى نفسه ماهو مهتم.
بأقول لك تجربة زوجتي معايه جزاها الله خير، فأنا حنون، وعاطفي ، بس كنت لما أعصب أطلع كلمات مالها داعي ، حتى في السيارة لما يضايقني صاحب سيارة أسبه وأشتمه وتكون زوجتي معي.
ماذا كانت تفعل؟
لو تسمعني أشتم أي أحد غيرها تبدأ تناقشني في اللفظه اللي طلعت مني، وليش تقولها ؟ وش استفدت منها؟ دليل أنك ضعيف؟ ما أبغى أولادي يطلعون عليك لأنهم بيسمعونك ويقلدوك، ثم أبدأ أناقشها واخاصمها وتقول لولا أني أحبك ما أقول لك هالكلام، أحب زوجي يكون أحسن واحد وتكون ألفاظه مهذبه.ثم ينتهي الموضوع، ولما يتكرر تكرر نفس الإسطوانه ، وبعد هذا التكرار أصبحت أحسب حساب لألفاظي حتى لا يكون هناك مناقشه جديده، ومع الوقت ناقشت نفسي بنفسي وراجعت كلامها ثم تغيرت تماما، والان لا يمكن أن يخرج مني لفظ واحد سيء ولله الحمد.
أما لو اشتمها أو أسبها تزعل كثير وتروح تبكي كأني كنت ماسك سوط قاعد أضربها!ثم عرفت أن غلطه مثل هذي تنكد علي حياتي مع هالزوجه، واجتمع نقاشها في الاول وزعلها في الثاني فتحسنت ألفاظي.
ترى ألفاظي ما كانت سيئة لذيك الدرجه يعني ما كنت ألعن ،أو أقول كلمات نابية وقذره، بس كنت أصف الناس اللي أغضب عليهم بأوصاف حيوانات، ومع ذلك ما خلتني في حالي، واقفه لي كنها
أتمنى أن تستفيدي من هذه التجربه.