السلام عليكم ورحمه الله وبركاته ..

عزيزتى أم نواف ..

احب اباركلك وأقول :"بارك الله لكما وبارك عليكما وجعمع بينكما على خير ..

حبيبتى ترا الشي الا بتعملو مش غلط وخاصه دام أن انكتب كتابك ... لأن هادا زوجك وملكك وانتى ملكو وحلالو ...
عزيزتى اتمنى انك تتفاهمى مع الوالد وتكلمى بمنطق ان هادا الشي حق من حقوقك وان لو يبغالك السعاده يخلي يجيكم ويزوركم وان هادى الزيارة بيكون فيها تقارب بينك وبينو وأن بتفهمي وهو بالتالي يفهمك ومن ها الكلام طبعا بأسلوب الدلع مع الوالد وحبي ولمي كل شوي ودخلى السعاده وبينيلو انك انتى قديش سعيدة لمن خطيبك يزورك وهادا حق ولا لو هو مش موافق ليش قبل بي زوجا لك ومن دا الكلام ...

وحاجة تانيه حبيبتى ترا ممكن الوالد يكون غيران ترا أغلب الأبهات في هادى الفترة يغارو "صح أنا لسه ماعندى تجربه بس كنت اشوف اختى المسكينه " كان بابا يغار بشكل رهيب ما يحلالو الطلبات غير لمن يكون خطيبها ماعنا 3 بنات ماشاء الله بس مايبغا مننا حاجة غير منها وعارفا حتى بعد ما اتزوجت برضو سار يغار عليها أكثر وزوجها بعد يغار ويدقو في الكلام ههههه مثلا بابا يقلها أيوة لو أحد غير كنت سويتيلو بعيونك وزوجها يقلها أيوة عمى يقلك تقومى تسوى وانا اقلك ماتعمليلي وهيا حرام تحتار تراضي مين ولا مين بس اللحين بعد سنتين الحمدلله بابا خف كتير ..
فدا شي واقع في كل أسرة خاصه لمن تكون البنت مقربه مرررة عند الأب

وربي يوفقك يا غاليه يارب ويتفهم الوالد موقفك ياكريم

أختك
البتول

__________________
اللهم حققلى منايا ومرادى ووفقنى في الحياة الدنيا والأخرة اللهم آمين

أحبتى الكرام لاتنسونى من دعواتكم في ظهر الغيب..

أختــ بتـــــــــــول ـــكم


[/CENTER][/SIZE]