أخي Shark

تصدق كلامك يذكرني بكلام ابو زوجي !!

نفس الكلام بالضبط !!!

تصدق تأثرت فيه اول حمل لي وكنت توني بالمدرسه مو جامعه واعتذرت عن المدرسه
ابو زوجي و وام زوجي كانوا خايفين على الجنين من الدراسه وقالوا لي الهوايل وعقوبة الله
وجميع المصايب لو واصلت دراستي!!!!
بس بالمقابل المشاكل مستمره مايراعون اني حامل واتاثر !!!
يطالبوني باعمال البيت رغم اني صغيره بالسن وحامل !!
وهم قايلين مايبوني ادرس لانهم خايفين على حملي !!
طيب والمشاكل!!
والحاله النفسية السيئه اللي هم بسببها!!

يعني لمن اقعد على الكرسي كم ساعه في المدرسه وارد امسك الكتاب اقراه راح يموت الجنين !!!

بس مشاكلهم وطلباتهم اللي فوق طاقتي وبكائي المستمر من افعالهم!!!

ماخافوا تأثر على الجنين !!!

في الاخير!!!!

وبسبة الحاله النفسيه السيئه الي ماراعوا اني حامل وصغيره
وتركت دراسي بسبب الكلام اللي قالوه واللي هو نفس كلامك ياShark بالضبط !!
رغم ان الدراسه كانت متنفس لي من المشاكل المستمره !!!

توفي الجنين !!!!

وبدون اي سبب !!!

وفي المستشفى خذوا الجنين للكشف عليه والتحليل ومابين اي سبب!!!

غير السبب النفسي من كثر المشاكل توفى الجنين !!!!

خسرت دراستي وخسرت الجنين !!!

ومع هذا قالوا السبب لانها داومت في المدرسه كم يوم قبل يتبين الحمل !!!!

مصممين على الدراسه !!!!!!!!

بعدها حملت وقالوا لي نفس الكلام وزوجي وراهم بس انا ارتحت كم شهر الين يثبت الحمل
وداومت في المدرسه سووها ضجه وتعبوني نفسيا !!!!!
ويقولون نخاف على الجنين ومثل نفس الكلام اللي قلته !!!
بس انا دخلت اهلي في الموضوع وقلت لهم انا احس المدرسه مو بس دراسه !!
احس انها تخليني اغير جو وتخليني اشغل نفسي عن المشاكل وانسى بالدراسه !!!

المهم بمساعدة اهلي واصلت وكملت دراستي وتم حملي وانجبت اول طفل لي وانا ادرس !!!
والحمدلله واصلت للجامعه !!!
وللأسف صار لي اكثر من مره ان الحمل اللي يكون في اجازه ومافي دراسه يتوفى في بطني!!!

لاني اكون متاثره بالمشاكل ومافي شي يشغلني عن المشاكل !! رغم عني اتاثر !!

وبعدين يا اخ Shark بسألك ؟؟

حريم أيام اول ماكنوا يتركون عيالهم وهم رضع !!!

ماكانوا يتركونه بالساعات لطلب الرزق ومساعدة الزوج !!!

سواء كانت حامل او عندها رضيع !!!

ماكانت تحتطب او ماكانت تسقي الزرع او ماكانت ترعى !!! وتتركه بالساعات !!!!

جيتوا على الدراسه وطلعتوا الاهوال والذنوب كلها !!!

هي رايحه تدرس على كرسي وتستمع ووقت الامتحان تذاكر من كتاب وتكتب في اوراق !!!

مايبيلها مجهود بدني !!!

وياما حريم يسافرون بر وجو وتروح بالسياره بالساعات بس في مسالة الدراسه صارت خطر !!!

وخوفتوها وقلتوا لو ولو ولو وكررتوا ( لــــو ) ونسيتوا ان لو تفتح عمل للشيطان !!!!!


و بالنسبة للزوج !!!

هي ماخدعته واشترطت عليه تكمل دراستها وهو وافق !!!

و لازم عليه لانه مؤمن يلتزم بالشروط !!

اليس هو مؤمن و المؤمنون عند شروطهم !!!


صدقني لو تسمع كلامه بتظل باتفه مشكله تذكره بانها ضحت وتركت دراستها

وانها نادمة لانها صدقته وانه السبب ........ والخ

واي مشكله بتتحسف على اللي سوته وخاصه لمن تشوف غيرها كملت دراستها !!!

ولو واصلت وتعبت راح يزعل الزوج فتره بس راح يرتاح طول عمره !!!!

رغم انه المفروض مايزعل ويقدر اهمية العلم !!

حبيت اعلق على كلامك يا اخ Shark

ولاتزعل من كلامي بس انا اقول لك تجربه مريت فيها وذكرني تجربتي الكلام اللي قلته !!

وعلقت بكل صدق وصراحه واعتذر منك ان كنت قد اسأت بطريقه ما دون قصد مني !!

اختك صريحه جداً

__________________