اختي مرات الام تقسى على عيالها وتجلس طول الليل تبكي من ظلمها لهم ويمكن هي تدري بقرارة نفسها انها تظلمكم لكن تاكدي ان محد بالدنيا كلها يحبك كثر امك ويخاف عيك كثرها

حاولي بواحده من الاثنين .. يا اما اذا استطعتي انك تصيرين صديقتها وتصبرين على اذاها الى ان تفهمك وتفهمينها .. او انك تصيرين دبلوماسيه معاها

والافضل طبعا انك تصيرين صديقتها يمكن امك بهذه الحاله النفسيه بسبب ظغوط البيت وماعندها الي تفضفضله ولا هي قادره طلع من محيط اسرتها ولا ترفه عن نفسها

انا قبل الزواج كنت اتضايق من امي كثيرا وكنت احس انها تنكد علينا لكن بعد الزواج اقتنعت ان هي ماعملت كل هذا الا لانها تبينا نصير مثاليين 100%

واذا تزوجتي راح تشوفين المشاكل بين الام وبناتها مثلا في ام زوجك وخواته وتعرفين ان هالشي طبيعي في كل البيوت خاصه اذا البيت فيه بنت مو متزوجه او مطلقه لان الام تبي تزوج عيالها عشان ترتاح من مشاكلهم
وتصرفاتها هذه من حزنها عليك وليس كرها فيك

احدى صديقاتي تقول لي بعد طلاقها بدأت مشاكلها بينها وبين امها تقول انا كنت اوهم نفسي اني منبوذه وامي كانت تقسي عليي كثيرا ... تقول لي ((امس كانت كل تصرفاتها بسبب حزنها على وضعي ليش كل البنات
الي بعايلتنا تزوجوا واستقروا بس انا انحطيت بهالزواجه الفاشله)) كل تصرفات امك هل حزن عليك وليس منك


ان شاء الله تتزوجين ووتصيرين عزيزه ومن اعز اخوانك عليها يارب