المشاركة الأصلية كتبت بواسطة dot

حلوه منك



وين حقوق الانسان؟؟؟


هذا زوجك..مو زوج امك...........


الله يعينك و يعينه....


انت تنطرينه طووول الاسبوع.وهو مسكين طاقه جبده من الدوام..محد يتحمل دوام طوووول الاسبوع لا و بعد الزوجه مطنقره و ما تطبخ......والله انك مسكينه و كاسرة خاطري......وهو مسكين و كاسر خاطلري اكثر



ماشاء الله الاخوان و الاخوات ما قصروا بالردود....

وبالنسبه للكبرياء.....

مرة صار بيني و بين زوجي جدال.....وهو شد حيله بالكلام و هزأني......الا مسح بكرامتي الارض........طبعا كل هذا كان بالتليفون....لانه كان بالدوام.....والله ما غلطت عليه و هو اللي كان معصب من دوامه...ومتهاوش مع المسؤول....,حط الحرة فيني.....

المهم انا ما كنت ادري انه عنده مشاكل بالدوام......وانقهرت و ضاق صدري من كلامه......طبعا هو انهى المكالمه و سكر التلفون بوجهي......
وانا بطبعي عندي زوجي يذبحني و لا يسكر التليفون بوجهي.....والله اني اعتبر هالحركه اهانه ما بعدها اهانه.....وعادة لما يصير بيني و بينه خلاف.......اطنشه و لا اعبره بكلمه....كأنه مو موجود.....

بس ذاك اليوم ..الله هاديني.......طنشت..وبعد ساعه...دزيت له رساله.......اعتذار.........تخيلي اعتذرت له مع انه مهزأني....وقلت له السموحه يا ابو فلان....ما اظن انك ترضى انام و انا ملعونه.....والله العالم اصحى ولا لأ.....مع اني ما غلطت بس سامحني

ما تصدقين يا اختي....صحيت الساعه 3 الفجر.....يعني بعد ساعه و نص من ارسال الرساله.....وزوجي كان على راسي....
والله موقف ما انساه بحياتي.....يقبل راسي ويعتذر ويتأسف....ويدعي الله يخليك لي ويتممك بعقلك....والله انكبرتي بعيني.....الله لا يحرمني منك و من طيبتك....والله اني ما استاهلك....وكلام....انا بكيت منه.....(بصراحه بكيت لانه بالاول هو مهزأني....ههههه)


المهم من بعد هالموقف تغير اسلوبه....للاحسن.....والله تصير بيننا مشاكل و بعد كل مشكله يتعدل للاحسن....وانا بعد اتعدل......


لا تضايقين زوجك اكثر......حرام و الله المسكين يكسر الخاطر.....وانت قلتي بنفسك انه كاسر خاطرك.....
وانا اظن ان اللي فيه مو كبرياء....
مسكين مال من الدوام و يبي الراحه.....

انا مرات ارد من الدوام الساعه 4 العصر...ما اطيق احد يكلمني......فما بالك بزوجك.....يداوم فترتين و طوووووووووووول الاسبوع.....

والله......عن جد.......الله يعينه.........

كبري عقلك.....وان شاء الله ما يصير الا كل خيييييييييييييير




دوووووووت