المشاركة الأصلية كتبت بواسطة انافقط

مساء الخير أختي توته .. تدرين انك ضيعتي على نفسك فرصة المصالحة مع زوجك ؟ كانت الكرة في ملعبج بس انتي ركلتيها آآآآآآآآآآوت تدرين ليش لما طلبتي منه ينزلج السوق ورفض كان ممكن تردين عليه بطريقه ألطف من الرد السابق وتقولين له : على راحتك حبيبي أصلا أنا بعد مابي أأخرك عن دوامك والسوق لاحقه عليه متى مافضيت أكيد راح توديني له . صدقيني كان ماتطور النقاش بينكم لهاالدرجة ورجعتوا متخاصمين من أول وجديد . أنا زوجي أستخدم معاه نفس هالأسلوب وأسوي نفسي أكسر الخاطر وبعدين يرجع هو نفسه يسويلي اللي أنا أريده ترى والله وعن تجربه الرجل مايحب المرأه اللي ترادده في الكلام يعني اللي تاخذ وتعطي معاه في الكلام بالصراخ والصوت العالي ولو هوقعد يصارخ ويعلي صوته انتي التزمي الصمت لحد مايهدأ وصدقيني أول ماتزوجت كانت مشاكلنا كثيرة لدرجة اني فكرت بالطلاق أكثر من مرة لكن بمرور الأيام والصبر عرفت ان طريقتي معاه في حل المشاكل كانت غلط . مافي أحسن من المسايسه ترى الرجل طفل صغييير وبالكلمة الطيبة تقدرين تملكينه وتملكين قلبه .. وانتوا باين عليكم لسه صغار لكن الحياة بتعلمكم مثل ماعلمتني والله يسخر لج زوجك يارب ويهدي سركم اللهم امين . صحيح نسيت اقول لكم الحمدلله على السلامه الله سلمكم من الحادث وماتشوفون شر