يابنيتي كلنا او اغلبنا هاليومين واقعين بمصيبة اختطاف رجالنا

ولكن يهون مصيبتنا انه بالحلال مو بالحرام

وانا اشوف ان العالم اليوم كله يعدد بحجة تطبيق السنة

لكني اذكر عيالي انهم يطبقون سنة(( رفقا بالقوارير)) وسنة ((العدل والمساواة)) قبل لايفكرون بالتعدد

يعني الحين صار بذمتك ثنتين كلهم محتاجين لعطفك وحنانك وعدلك فاتق الله

ولا تطبق سنة وتترك واجب وانتبه للهاشي

وانت يابنيتي ما عليك الا انك تصبرين وتحتسبين الاجر فمن يتصبر يصبره الله

وتكثرين من الاستغفار وقول لاحول ولا قوة الا بالله تراها باذن الله تعين الانسان على نوائب الحياة

ولازم تحسنين ظنك بربك هو اللي خلقك وهو اللي يتكفل فيك ويعينك

الله يصبرك يابنيتي ويصبرنا ويثبتك ويثبتنا ويخلينا لعييلنا

ويخلي ازواجنا لنا ويسخرهم ويهديهم

ويحط الرحمة بقلوبهم ويضعضعهم لنا

واللي سويتيه يابنيتي هو عين العقل

وخاصة خرط الحريم اللي يزيد النار مايطفيها

الله يكون بالعون


وياليتك يابنيتي تغيرين صورة توقيعك واعتذاري انه ماهو وقته لكن والله من حرصي عليك وحبي لك
لان الصور تطرد الملائكة وانت الان بحاجة الملائكة اللي تطرد الشياطين عنك
الله يوفقك ويجعلك درة في عين زوجك

__________________
[blink][blink][/blink][/blink]