السلام عليكم جميعا


مشكورين على الردود اخواني





الاخت ماهي نور

حبيبتي ردي بيكون على جوابك لا ما حبه الحب الي كان بس في نفس الوقت ما اكرهه
احس روحي غريبة عنه
والحب ماهو كل شي في دنيتنا
الحب مثل الوردة لا سقيتها بتعيش لكن لو دستها اكيد راح تموت
وارد اقول مات حبي له
ما بقول انه فتور
لانه الفتور لو حاولت تعطيه شوية حرارة راح يبين بس انه كلما حاولت اني ارجع الحب مثل ما كان ماقدر
تصوري انه يمرض وانه ولا احس بشي شعوري بارد حتى اذا كنت نايمة اكمل نومتي بلا اهتمام!
اذا يطلع ماودي يرجع البيت احس روحي مرتاحة بغيابهّّّ!
واذا نام في يوم بعيد عني ما يفرق عندي!


للاسف حبيبي اي كان قبل لا نرتبط بس لكن عقب الارتباط صار شي ثاني!
يعني انه لو عشت عمري مرتاحة معاه وفجأة اظهرت بينه مشكلة صعبة ما راح اقول بطلق منه بالعكس اهني اقول حبيبي واتحمله بكل عيوبه واضحي عشانه.
بعد تتوقعين يالغالية فيني قدرة على تحمل عيوبه اكثر من جذي؟؟
ضحيت باالاهتمام والحنان فترة زواجي وحملي وتربيتي ولدي ..
ضحيت بحبي لزوج يكون مثل ما ابي شكلا ( نظيف ومرتب) واخلاقا ..
ضحيت بامنيتي بحياة مريحة وحياة بعيدة عن الانحراف ..
ضحيت بمشاعري ورغباتي وانه في قمة شبابي..
اذا انه ضحيت بكل هذا اجل ليش متزوجة!!!!
مو عشان الزواج بيعطيني كل هذا على سنة الله ورسوله؟؟


تصدقين انه اذا بيجي يبي يحضني او يقبلني او يلمسني احس روحي كارهه وغصب عني ارضى بدون ما تكلم بسبب رحته وقلة نظافته

يعني 3 سنين وانه احاول اصلح هالعيب ماقدرت بعد معقولة بواصل اتحمل؟؟


ومسامحة على الاطالة بس فيني قهر وحزن ما يعلمه الا ربي


الرميصاء
مشكورة حبيبتي
واذا من جد تبين مساعدتي ممكن ترسلي رسالة خاصة فيها ايميلك لاني مابقدر ارسل لك لانه هاذي مشاركتي الثالثة بس



وشكرا لكل من رد