تسلميييين اختي دهن العود..أفدتيني وايد.. لأنه عرسي قريب.. و مب عارفه من أي ماركه أشتري الفاونديشن و البودره و الكونسيلر,, لأني أحسهم أهم أجزاء المكياج.. بس اختي عندي سؤال.. هل يكفي أشتري درجه وحده من الفونديشن والبودره و يكون يصلح للصباح و المساء و لا أغيرهم أخلي نوع للصباح ونوع للمساء..!!
و يوم أروح أشتري وين أفضل مكان أجرب فيه درجه لون الأساس و البودره على ظهر الكف و لا على الوجه.. !!
و هل برايج أروح على طول أشتري من ماركه بوبي براون أحسن من ديور و كلينك و سيشيدو و شانيل.. لأنه اتعرفين كيف البياعات يلصقون فيج و يأذون الواحد.خخخخخخ
و صح ماركه بوبي براون موجوده في باريس جاليري ولا؟؟
و بغيت أسألج حبوبه عن كريمات النهار والليل و كريم العنايه بالعين.. وين أحسن ماركه..أنا قالولي سيشيدو وكلينك وايد زين بس انتي شو رايج..!
و بعد شو رايج في كريم المرطب اللي يحطونه قبل الأساس ( بشرتي فيها مناطق جافه ودهنيه شوي عند الأنف) و الغسول والتونيك هل آخ1هم من نفس ماركة الأساس و البودره اللي هي ماركه بوبي براون؟؟
و عن الجلوس أنا جربت ما Mac بس أحسه مايطول فتره قصيرة و يروح ..؟ شو رايج..! أنا أفضل أشتري روج و أحط فوقه الجلوس..لأنه لو طار الجلوس يتم على الأقل لون الروج و مايروح كله خاصه في العزايم :14:
شكلي وايد أتكلم..
بس والله عجبني كلامج لأنه جدا واضح و حبيت أستفيد منج....
بس عندي بعد سؤال... آخر واحد..خخخخ
انا الصراحه ما أحف حواجبي ولا حتى أنضفها لأنها حرام ( لعن الله النامصة والمتنمصة).. بس في حلول ثانيه اللي هي التشقير..بس هذا بعد ماحبه لأنه يطلع حلو بوجود المكياج بس بدونه و خاصة في الشمس شكله موووووووووووووووووووووول مب حلو و يشوه..
..فما أعرف إذا فيه أقلام معينه أو بودره معينه أو طريقه معينه ممكن اتساعدنا في تعديل شكل الحواجب بدون نتفها؟ و سمعت انه قص الشعر الزائد حل من الحلول بس ماعرف شوالحكم الشرعي ؟
السموحه منج الغاليه و أنتظر ردودج بفارغ الصبر..
وداعة الله