اقتباس:
الكاتب النور والحنان
هههههههههههههههههههه إيش هذا يا أختنا ..
ولدك يسوي فيكِ كل هذا ....
بس على كل الأحوال الله يحفظه لك .. ويحميه من كل شيء يؤذيه ..
القصحة ضحكتني كثير .. لكن لالزم تعرفي إنه أجرك بنيتك عند الله ما يضيع وتاخذينه كامل بعون الله ...
|
اشكرك اخي النور والحنان على مرورك الذهبي اسعدتنا اسعدك الله دنيا وآخره
والله يسمع منك وآخذ أجر نيتي وتنخصم سيئاتي من حرقة القلب والقهر اللي صابني !!!
اقتباس:
|
اللي زعلني في الموضوع شوية طبعا حكاية إنك مارح تعيدي وتسوي هذي الاشياء لزوجك مرة ثانية .. وزعلتِ علينا وعلى المفضلة وعلى الأعضاء <<<<<< طيب احنا إيش دخلنا .. هذا ولدك هو السبب
|
ههههههههههه اما هذي مادري ليش حطيت حرتي فيكم !!! يمكن لاني خذيت الفكره من عندكم !!
ولو لا منتداكم الرائع والمفيد ما كنت فكرت اطبق وانقهر !!
اقتباس:
|
بس أنا متأكد وعارف إنها ردة فعل طبيعية ... ولكن قلبك الطيب .. يحملك على إنك تسوي لزوجك مرة واثنين وثلاثة ... وما ألومك الموقف اللي انحطيتي فيه بصراحة صعب ويقهر شويتين ..
|
ممكن اسوي لزوجي بعد وقت طويل ان شاء الله بس مو في يوم جيته من السفر لاااااااااااا ابداً
في اي يوم بس غير يوم السفر بجد انا تعقدت انت تخيل لي كم يوم وانا اجهز وطلعات وطلبات وحركات
وتعديل في البيت وترتيب وكل وقت وكل دقيقه عندي كانت غاليه لهاليوم اللي اخطط فيه !!!!
وبعد تعب اعصاب وتأمل بيوم رومنسي مبهر ورائع واخلي زوجي ينبهر باللي سويته له
وانا متاكده انه استحاله يتخيل اللي سويته اخرتها اتحطم هالتحطيم !!!!!
ومن من ؟؟ من ولدي !!! وكملها لي ضيوف ابوه !!!
والله يا اخوي انها صعبه حرقت اعصابي وتعبت نفسي واخرتها يخترب كل شي!!!
كنت مجهزه الورق الاحمر اللي قصصته على شكل شفايف وبنثرها من مدخل البيت الي باب غرفتي النوم
واخرتها بسبة ولدي قعدت مخبيتها منه وماقدرت اسوي هالحركه لزوجي وفي اليوم الثاني رميتهم في الزباله
حتى مايشوفونهم عيالي وخاصه ولدي الكبير وافتشل !!!!
تخيل في هاليوم الرومانسي العظيم زوجي قاعد مع ضيوفه للفجر وانا قاعده بغرفتي مع عيالي الصغار اتفرج عليهم
وهم يقطعون بالورود الحمراء المنثوره على السرير وعلى الارض وينفخون في الشموع وميتين فرح ويطالعوني
وكانهم يقولون امنا صارت خبلنا مثلنا ترمي ورد بالغرفه وتلعب بشموع !!!
وانا ساكته عنهم خليتهم يعفسون على كيفهم واخرتها نيمتهم معاي ونمت !!!!
يعني شرايك في اليوم الرومنسي !!!!!! اكثر من رائع صح !!!!!
اقتباس:
على العموم ... خيرها في غيرها .. والابناء في سن المراهقة ( بالذات الصبيان ) يبغى يسوي نفسه ماحد قده وإنه هو الرجال اللي كلمته ما تنزل ...
وممكن الولد هو اللي اتصل وجاب لك هالضيوف <<< مغلس مغلس مرة وحدة
|
وانا صرت تقريبا متاكده من هالشي بس ماقول الا الله يهديه ويصلح حاله ويعقله ولاعاد يعيدها لي مره ثانيه
اقتباس:
كان الله في عونك .. ويسر أمرك وشرح صدرك .. ووفقك للمزيد من الأفعال الطيبة في إسعاد زوجك وإدخال السرور له ..
دعواتنا لك بالتوفيق والسادة ... وسلمي لي على ابنك صاحب الحركات الحلوة
|
الله يسمع منك ويبارك فيك
ويسعدك ان شاء الله دنيا وآخره
يوصل سلامك ان شاء الله
اشكرك جداً
اختك صريحه جداً ...............
__________________
.................. رفقاً بالقوارير .....................