العانس اللي تعدت الثلاثين مالها حل الا الزواج الثاني
وأنا وحدة من اللي تعدوا الثلاثين ولو تقدم لي متزوج راح اوافق على طول
بشرط ان تعلم زوجته بأمر الزواج وما يكون سر وبشرط السكن في مكان بعيد عن زوجته منعا للمشاكل
لانه لا يوجد انثى حتى لو كانت لا تحب زوجها ترضى بأن يتزوج عليها زوجها
حتى انا لو كنت زوجة اولى لن ارضى

لكن نار العنوسة والحرمان قاااسي
ولا عليكم من غيركم ونظرتهم لك لانك اخذتي متزوج
لعلمكم البيوت مترووووسة عوانس يتمنون الزواج اليوم قبل بكره
وألحين عدد البنات يفوق عدد الرجال اضعاف مضاعفة

وعلى قولة المثل" العوض ولا القطيعة"
فأيها افضل
ان تظلي عانس وتعانين من نظرة المجتمع القاسية وتعيشين تحت رحمة زوجة اخيك او ابوك في غرفة لوحدك
لان هذي نهاية كل عانس غرفة في بيت الاخ لا عيال ولا زوج
وحرمان عاطفي ونفسي
هل تعلمين ان الحرمان قاسي ويدفع للأمراض النفسية ومنها الاكتئاب اللي متأكدة ان معظم العوانس يشعرون به

اذكر ان وحدة من بنات خالتي وصلت للثلاثين ولم تتزوج بالرغم من جمالها
تقدم لها واحد متزوج وافق الاب واجبر ابنته على الموافقة
احنا البنات قعدنا نستهزأ بها وايش اللي حادك
انطري يمكن يجيك احسن منه
لكن تعالوا شوفوا حالنا وحالها
اهي سعيدة معاه والله رزقها عيال

واحنا؟؟؟؟؟؟؟؟؟ قاعدين في غرفة بين اربع جدران محد يدري عنا اذا احنا عايشين ولا ميتين