وأنا بعد شراتكم سنه أولى مطبخ ... ^___^ حلوه هاي

بس الحمدالله اني كنت من قبل أدش المطبخ مع خواتي الاكبر مني و أساعدهم .. وبعد كنت أحب أسوي حلويات بنفسي وشوربات ..
بس الغدا .... بعيييييييييييييييد .. وكله من الوالده عسى الله يحفظها .. ما كانت اتخلينا نتعب أبد ..

بس الحمدالله .. كل مره أجرب شي ايديد وريلي ما ايقول الا كل خير .. يعني يمدح وايجامل .. لكن عمتي تنتقد دايما ..
بس ألحين وأنا على نهايه السنه تقريبا .. عمتي صارت اتمووت على اكلي و كله اتقول علمي الخدامه خل تطبخ شراتج ..
أسميني يبت حق عمري عوار الراس .. ^__^

وابصراحه هالمنتدى فظييييييييع وكل مره اتعلم منه شي حلو ..

خذوا الي ايناسبكم وجربوه على الموجودين وما عليكم من أي حد .. قولولهم ترى هاي اول مره اسوي هالشي وهم انشاء الله بيقدرون .. ولو ما قدروا لا تعطوهم سالفه واستمرواااااااااااااااا ...


نصيحه .. ابدأوا بالاشياء الخفيفه .. معكرونه .. شوربه .. مشاوي نصف جاهزه .. كعك نصف جاهز .. و بانكيك نصف جاهز .. وغيرها من الاشياء البسيطه نوعا ما .. ومع الخبره كل شي بيصير تووووووووووب ..


وتمنياتي لكن بالتوفيق ..