أنا مع الشقه . مافيش زوج الا ما تكلم مع زوجته في موضوع الزواج الثاني من باب المزح او الكيد وحتي تقول له زوجته كلام من نوعية ( لو عملتها انا اقتلك واقتلها أو انا ممكن اموت فيها لو حصل كده ) وساعتها يحس قد ايه زوجته خايفه عليه احسن تخطفه واحده تانيه .
هاقولك حاجه انتي ما تجبيش سيرة الموضوع ده معاه تاني واذا هو اتكلم فيه انا عن نفسي باقول لزوجي وماله اتجوز واحده تانيه يمكن تكون احسن مني وطلقني انا وربنا يمكن يرزقني بواحد احسن منك ( وده طبعا من وراء قلبي ) لكن مش هاسمح ان ده يكون موضوع لي ذراعي .
هاضحكك علشان تعرفي انه عادة بيكون كلام الرجاله ده حلاوة روح . انا زوجي ..... لا يستطيع الانجاب باي حال من الاحوال وحاولنا كتير ومع ذلك بييجي عليه وقت يقول لي سبيني بس اتزوج واحده تانيه وبعد 9 شهور هتشوفي انها هتجيب توأم كمان بيكون رد فعلي انه اوكي انا موافقه يلا وريني الشطاره .
هو فيه راجل دلوقت قادر يفتح بيت واحد لما هيروح يبحث عن زوجه تانيه .
هدأي من روعك ولا تهتمي ده كله كلام من وراء القلب وحلاوة روح زي ما قلت لك . وربنا يهدي كل الرجاله .
التعديل الأخير تم بواسطة النور والحنان ; 27-12-2005 الساعة 08:17 PM