وعليكم السلام ورحمة الله وبركاته

اختي سارا انا اعتقد والله اعلم انها التهاب الاذن !!

هي الوحيده اللي تقوم الطفل من نومه بهالطريقه !! تخليه يقوم وهو يصرخ ويبكي كأن حد ضربه !!!

مجربتها مع عيالي في هالسن وخاصه ولدي البكر جنني من التهاب الاذن !!!

شوفي اختي .........

انا ماني طبيبه ولا شي بس عيالي خلوني دكتوره ومعلمه ومهندسه ومحاميه وقاضيه وكل شي !!

فمن خبرتي مع عيالي وخاصه في هالسن اقولك انها احتمال كبير التهاب في الاذن الوسطى !!

راقبي ولدك وشوفي اذا كان يحط يده عند اذنه ويحكها !! تاكدي انه يعاني من التهاب الاذن !!

عالجيه لان اذا تطور الالتهاب يكون هناك حراره !! وبيحتاج لمضادات حيويه للالتهاب ومخفضات حراره

وديه المستشفى ولا تهملين التهاب الاذن ابداً

وتجنبي تنظفين فتحات اذنيه بعود الاذن !! لان تنظيفها يسبب التهاب للاذن عند الاطفال ويكفي تمسحيها بعد استحمامه

بكلنكس


وطمنينا عن طفلك
وسلامته ان شاء الله ومايشوف شر

تحياتي لك .............

__________________