ردك بمكانه ياجواهر وبارك الله فيك
اما انت يابو عبدالله مااقول الا الله يهديك بس
ماادري ليش انت شايل حملة على الاولى ودايما تدافع عن الثانية يعني الثانية ماشاالله عليها هي بس اللي تقدر تشبع الرجال
طيب ليش التعدد اربع مو ثنتين بس؟؟
هل معناه انه كل ماتزوج وحدة وما شبع منها راح جاب وحدة ثانية؟؟
اعتقد يابو عبدالله انه معنى التعدد اكبر بكبير من معنى الشهوة بس
يعني الرسول صلى الله عليه وسلم وهو من سن التعدد تزوج على عائشة لانها كانت مقصرة معه؟؟؟؟؟؟؟
انا لما قريت اسباب تعدد الرسول صلى الله عليه وسلم انزاح عن بالي اشياء كثيرة كانت مشبوهة بتعدد الرجال
واذا جيت اتناقش مع احد محارمي اقوله هي كلمة وحدة بس انتم عددو مثل تعدد الرسول وحنا نقبل
المشكلة يابو عبدالله ان الزوج اليوم يتزوج الثانية وينسى الاولى او العكس يضحي بالثانية علشان الاولى
وخليتونا نكره التعدد
يابو عبدالله احب اقولك ان الاولى ولا الثانيةما لهم دخل
اللي له دخل فعلا هو الرجل وزي مايقول المثل الضرة هو الرجال
تكفى يابو عبدالله لاعاد تسب الاولى مهما راحتو ولا جيتو تبقى هي الاولى في حياتكم
تزوجو زي ماتبو 3 4 لكن لاتجيبون طاري الاولى الابخير حتى لو كانت مقصرة
الاولى تبغى الوفاء تبغى الحنان تبغى قيمة العشرة اللي عاشتها وياه
وصدقني كل رجل يخلص نيته بالتعدد ويقرر انه يصلح احواله مع الاولى والثانية سواء بسواء ربي يوفقه
يدلعهم يخلص لهم يحبهم يقدرهم وما يحسس وحدة بالثانية وكل ماجاء عند وحده حسسها انه لها لحالها
صدقني هذا هو اللي يتوفق
الوفاء والعدل مطلوب مطلوب
معلش اني قسيت بالكلام شوي لكن صراحة كل مرة اقرا من بعض الاعضاء انه سبب زواج الثانية هو تقصير الاولى؟؟؟
لين ماتلاقي الاولى منقهرة من نكران زوجها
مااقول الا الله يهديكم يالرجاجيل
اختي اللؤلؤ الرجال هو الضرة بعينه
يعني باختصار انا وانت نقول للرجال تعلمو كيف تتعاملون مع القوارير وتزوجو على كيفكم
اختي اللؤلؤ البلا مو من الاولى ولا الثانية البلا من الرجال انفسهم يرجحون وحدة على الثانية ويكرهون الحريم بالتعدد
اختي اللؤلؤ ليش ماكانو جداتنا يكرهون التعدد بالدرجة اللي احنا فيها ؟؟؟
تدرين ليش لان الرجال شاقي بلقمة عيشه وما عنده مزاج يراعي هذي علشان ضرتها مما تلاقين الضرات متونسين بعضهم لان رجالهم مو فاضيلهم
ندا للرجال
خافو الله بكل نسوانكم ولا تبينون غلى احد على احد
عيشو مع الوحدة في ليلتها كانك لها وحدها
لاتروح للاخرى الا للضرورة القصوى
دلع الجميع تشبب معهن كلهن
خلو تعددكم زي تعدد الرسول صلى الله عليه وسلم
تعلمو منه التعامل مع الضرات
وبعدين نقوللكم الله يساعدكم روحو تزوجو 2 3 4 اذا بغيتو
الله يصلح الاحوال بس
__________________
[blink][blink]
ادعولي بظهر الغيب
[/blink][/blink]
التعديل الأخير تم بواسطة اميh ; 30-12-2005 الساعة 03:37 AM