السلام عليكم و رحمة الله و بركاته..أول شي أعتذر يا خوي عن تأخري..و ذا كان لأني كنت أجمعلك كل شي...و لأنك طلبت برنامج سياحي لك..و أنا تشرفني خدمة أي شخص..
و أنا عند كلمتي...


الصراحة يا خوي فاجأتني بهاذ السؤال؟؟؟و شلووون باقي على شهر عسلك 3 أسابيع و انت لساعك ما عرفت سعر التذكرة؟؟؟المفروض هذا اول شي تسويه من أول ما قررت تروح ماليزيا..يعني المفروض على طول تتصل بخطوط الطيران و تسألهم السعر بالضبط....وين همتك يا عريس؟؟؟؟؟؟؟
بس الي سمعته صح هذا هو سهر التذكرة في مواسم السياح و شهر الحج...غير كذا بتكون التذاكر أرخص...و هذا الكلام عن الدرجة السياحية...بس يا خوي برضه اتصل بخطوط الطيران عشان تعرف السعر بالضبط..لأني ما أعرف انت وين بالضبط...
حسابك في الفلوس على حسب ميزانيتك الي انت محددة..و الحدود الي انت حاطتها في الصرف....و هل تعتمد على بطاقة الفيزا؟...اقولك لا تعتمد في كل شي على بطاقة الفيزا..و رح أقولك ليش بعدين..تستخدم بطاقة بنك لسحب كاش بين فترة و اخرى..بس انتبه الكاش لا يتنشل منك...و رح اوضحلك كيف في أسفل ردي

و انا أقول لا لا لا للمكاتب السياحية الاستغلالية...الأفضل ان يكون لك انت برنامجك السياحي بعيد عنهم..كان يجونا اقارب و معارف للسياحة في ماليزيا عن طريق هاذ المكاتب..و كنت أحزن عليهم يوم ما اعرف المبلغ الي دفعوه..بس أقول احسلي اسكت لا يقولوا بخل مني.....يعني سواء شفت السعر معقول او لا الأفضل يكون ليك انت برنامجك السياحي عشان لو فكرت تطول هنا أو هناك أكثر من المدة المطلوبة ما تلاقي شي يعيقك...و كمان دام ان في أحد يعرف المنطقة و قالك ع الأماكن احسن توفر و ما تلجا للمكاتب السياحية.

حاضر رح تلقى البرنامج السياحي و الأماكن الحلوة في أسفل ردي...

رح أوضحلك المحاذير...في اسفل البرنامج السياحي....

الصراحة يا خوي...في الأربع سنين الماضية كثررررررروا العرب في الشواطئ الماليزية....يعني وين ما تحط عينك تلقى عوائل عربية..هذا طبعا بيكون في موسم السياح بالصيف و إجازة الحج...بس كونك بتسافر في موسم مو بموسم السياح..فأعتقد ان الوضع حيكون أحسن كثير..يعني يا رب يكون لك مريح..و تسأل كيف رح تكون الملاهي؟؟؟ يا خوي عايدي..ما فيها شي تروح انت و مراتك هنا و هنا..ما فيها شي...