السلام عليكم و رحمة الله و بركاته...

اممم اول شي شكرا على شكرك لي بس احنا ما عملنا غير الواجب..
هذا الشي يشرفني جدا جدا..

حاضر و إن شاء الله رح اكمل طول ما ربنا بيحيني..

طيب و لشان كذا أنا اخترتلك منطقتي جنتنج و لنكاوي..و هي منطقتين تقع على شاطئ البحر...و اذا هي تحب الشلالات ترى الشلالات هاذي روووووووعة بمعنى الكلمة بس المهم انك ما تروح الصغيرة مثل ما قلتلك لأنها عبارة عن صخرتين و ماسورة تصب موية شلال و بس على شارع جبلي ...و الشي الثاني انك ما تقول لا ما ابي اطلع أو ما ابي اكمل لمن توصل للشلالت..لا..لأنك كل ما تطلع أكثر كل ما رح تلقى و تشوف مناظر أحلى و أكثر..بس مو تروح تقول ابي اوصل للنهاية لا..كل شي خليه معقول...ومثل ما قلت في السابق انتبه..
لا يا خوي المكاتب السياحية و غيرها ممكن يوفرلك تاكسي ينتظرك لين تخلصون...و هو في العادة هذا الي يحصل..أنا رحت الشلالات اكثر من مرة بهاي الطريقة و ماصار الحمد لله اي شي و الي انت تقوله ان التاكسي يمشي و يسيبكم هذا شي نادر جدا جدا و في العادة ما يحصل و يا رب ما يحصل معاكم...لان سواق التاكسي رح يفضل انه يجلس مرتاح ينتظركم و انتم تدفعونله على ثمن الانتظار افضل من لمن يروح يلف و يدور يدور على زباين..يعني لازم تدفع للانتظار بانتفاق مسبق بينكم..و الوقت انت الي تحدده..يعني تقوله انتظرنا ساعة و نص ساعتين و كذا و هو إن شاء الله رح ينتظركم..لأنه ما يبي يخسر بنزين من غير ما يكسب فلوس في طريق العودة و إذا ما زلت قلقان خلي معك رقم تاكسي و رقم الفندق للطوارئ لشان تتصل عليهم بجوالك...بس لا تتاخر عن الوقت الي حددته للسائق. و يا رب ما يصير إلا خير.
اممم..الحقيقة مروا علي معارف جلسوا حوالي 20 يوم..بس في الآخر صاروا يشتهون ناس يجلسون و يتكلمون معهم..هم ما طفشوا من بعض بس حسوا انهم في حاجة لناس جدد...بس في العادة ما يكون ملل من نفس البلد طالما ان في اماكن جديدة بتشوفونها...بس ممكن يكون في اشتياق للأهل و الأقارب...و الحاجة لشوفة ناس تانيين...
يعني انت تقدر تقدر هاذي الأمور اكثر بحكم معرفتك بخطيبتك...يعني ممكن تخليها فترة أسبوعين و نص..و انت الأقدر على التحديد....

السوق الصيني المعروف ب(شاينا تاون) عبارة عن منطقة شعبية لتجمع باعة الصينيين...يعني على حسب ان كنت انت تحب الأماكن الشعبية او لا..و انا اعطيتك نبذه عنه في كلامي السابق....بس خطير؟؟ ليش؟..لا مو خطير بس انت الأفضل لك انك تروحه في فترة العصر..و تمشي قبل الغروب..لانها منطقة مكشوفه و راح تتعب حبيبتك و هي تمشي في الشمس..او جيب مظلة معاك..بس يمكن قالولك خطير عشان النشل..بس راح أقولك كيف بإذن الله تتفاداه في أسفل كلامي...يعني بالمختصر مو بخطير و لا شي.بس في ملاحظة ممكن تصادفك فيه و هذا يحصل نادرا ..بس ما في ضرر انك تاخذ فكرة...و هو ان ممكن البائع يستخدم عبارات أو كلمات نابية و هو يكلمك أو يناديك عشان