في آخر دور فوق.
مطعم إيراني آخر..مطعم مو فاخر لكن اكله ممتاز و لحمه ممتاز جدا يعني لو جعتوا بيوم و ماعرفتوا وين تروحوا..او إذا مليتوا من الأكلات الثانية ..و يقع في مجمع صغير اسمه_Ampang walk بس لو حصل و التاكسي ما عرف ...قوله (هوكشون)و إذا برضه ما عرف قوله فندق(سوكاسا) و بعد ما تنزل للمحل رح تلقى المكان المقصود في الجهة المقابلة لهوكشون أو بجانب الفندق من الجهة اليسار.و المحل يفل كل يوم (احد).
و طبعا في مطاعم للوجبات السريعة.....
الحقيقة رح اتوقف هنا بالنسبة للعاصمة..لأنك رح تلقى كثير عروض سياحية و اماكن اخرى يضيق المقام بذكرها هنا..لشان كذا رح ارسلك بإذن الله رابط تشوف فيه الأماكن و تختار الي يعجبك و ممكن تسألني عنها لو التبس عليك الأمر...و تقدر تسأل الفندق او سواقين التكاسي على اماكن عشان تشوفون الي يريحكم و ما في مانع من انك تتعامل مع العروض السياحية..و غير ان ممكن تاخذلك(تور سياحي) يوديك زيارة للمتحف او زيارة خارجية لقصر الملك..او مصانع الحرير و......
18-نيجي للمنطقة الثانية (جنتينج) و انا اخترت لك هاذي المنطقة أول لشان نسيب الشواطئ للأخير لانها دايما أكثر متعة...هاذي المنطقة حلوة و جبلية...و كثير يكون فيها الضباب كثير و جوها يا إما جميل يا إما بارد جدا
..يعني يجبوا معاكم ملابس شتا..بس لا تكثروا لانها كلها يومين...و هاذي المنطقة فيها عروض سيرك في العادة..و فيها سوق كبير فيه (ركن ثلجي) حلو..و فيها كمان ملاهي..هاذي الملاهي حلوة..بس نصيحة مني في لعبة رح تلقاها عبارة عن طبق يطلع لين فوق بالتدريج و بعدين ينزل بقوة شدييييييييييييدة للأسفل...يعني فكر قبل ما تركبها لانها قوية كثييييييير...ما ادري اذا غيروا نظامها هالحين و لا لأ...بس إذاكنتم حابين تركبونها خلوها آخر لعبة...لأنكم لو ركبتونها أول شي رح تتعبون و ما رح تقدرون تلعبون باقي الألعاب...هذا عن تجربة...
منطقة جنتينج فيها حوالي 6 فنادق...أنصحك ما تروح فندق اسمه(first world) لأنه من الخارج فخم...لكن الغرف(...) و صغيرة جدا غير لو حالفك الحظ و كانت غرفتك في موقع غرفها اكبر...و هذا الفندق بتكون غرفه غير نظيفة بالشكل المطلوب لو كان عليه ضغط و زحمة
..لشان كذا ما انصحك فيه...لأنه ما يليق بشهر عسل كثير و هذا رأيي...بس سعره أقل بكثير من باقي الفنادق لانه اقلهم جودة.
و فندق ثاني اسمه(Resort Hotel)و هذا الفندق ما فيه خدمة تنظيف الغرف.
أنصحك بGenting Hotel أوHighlands Hotel لأن موقعهم جيد و اختار الي يعجبك و يناسبك...مع العلم ان منطقة جنتنج منطقة صغيرة يعني ما تعد مدينة.
إي ملاحظة: هاذي المنطقة ممكن توصلها من غير ما تحتاج لتاكسي...و هو انك تروح عن طريق قطار الLRT و رح اشرحلك وايش هو في الأسفل..و من هذا القطار روح لمحطة (KL center) و من المحطة اسأل عن الباص الي يودي لجنتنج....لا تتململ و يتهيألك ان الموضوع صعب الموضوع سهل و سريع جدا...و مريح بعد..و الباصات الي رح تنقلك جنتنج نظيفة و مرتبة و كمان باقل من نص السعر الي التاكسي ممكن ياخذه منك...و هذا الشي ما يعرفونه السياح لشان كذا بتضيع فلوسهم في التكاسي للأسف..فلا تعمل مثلهم..و اسأل عن موعد الباصات قبل ما تخطط تروح لجنتنج لشان ما تضطر تنتظر في المحطة لمدة ساعات.
غي ملاحظة ثانية: لو وصلت لجنتنج...لا تاخذوا تاكسي بدل ال(تيليفريك) خذ التيليفريك افضل حتى لو كان احد منكم متخوف منه..لانه أفضل بكثير من التاكسي..الي راح يطلع و ينزل في هاي المنطقة الجبلية و هاذا الشي ممكن يسببلكم هبوط أو فيء لا قدر الله...
ملاحظة ثالثة: يستحسن انك تاخذ اكل قبل ما تروح لهاذي المنطقة..يعني الاكل الضروري..مثل الخبز و الجبن مثلا..لأن هاذي المنطقة متعبة في الأكل شوي...
و هاذي المنطقة في العادة فيها بيت أشباح حلو..و فيها كافيهات و الجو فيها حلو كثير في العادة او بارد مثل ما قلت..و المدة المناسبة انكم تقضون فيها يومين و ليلتين...و فنادق هاذي المنطقة ما فيها مكيفات لأن الجو فيها في العادة بارد او جميل طوال العام و ما يحتاج لمكيف.